.png?x92792)
പ്രശസ്ത അമേരിക്കന്‍ സിനിമ, ടെലിവിഷന്‍, നാടക നടനായ മാര്‍ക്ക് ബ്ലം (69) അന്തരിച്ചു. കൊറോണബാധയെ തുടര്‍ന്ന് ചികിത്സയിലായിരുന്നു. 1985ല്‍ മഡോണ,? റോസന്ന ആര്‍കെറ്റ് എന്നിവര്‍ അഭിനയിച്ച ’ ഡെസ്‌പെററ്റ്‌ലി സീക്കിംഗ് സൂസന്‍ ’ എന്ന ചിത്രത്തിലൂടെയാണ് ബ്ലം പ്രശസ്തനായത്.
എച്ച്.ബി.ഒയില്‍ ’ സക്‌സെഷന്‍’, നെറ്റ്ഫ്‌ലിക്‌സില്‍ ‘യു’, ആമസോണില്‍ ‘മൊസാര്‍ട്ട് ഇന്‍ ദ ജംഗിള്‍’ തുടങ്ങി നിരവധി ടെലിവിഷന്‍ സീരീസുകളില്‍ ശ്രദ്ധേയമായ സഹനട വേഷം അവതരിപ്പിച്ചിട്ടുണ്ട്. ന്യൂയോര്‍ക്കിലെ നാടക രംഗത്ത് സജീവമായിരുന്നു. 1950ല്‍ ന്യൂജഴ്‌സിയില്‍ ജനിച്ച ബ്ലം 1970കളില്‍ നാടക ലോകത്ത് സജീവമായി. 1983ല്‍ പുറത്തിറങ്ങിയ ‘ലവ്‌സിക്ക് ’ ആണ് ആദ്യ ചിത്രം. ‘ലവ് ഈസ് ബ്ലൈന്‍ഡ് ’ ( 2019 ) ആണ് അവസാന ചിത്രം. അമേരിക്കന്‍ നടിയായ ജാനറ്റ് സാരിഷ് ഭാര്യയാണ്.
you may also like this video
