കോവിഡ്‌ കാലത്ത്‌ അനധികൃതമായി വിൽക്കുന്ന മദ്യം വാങ്ങിയെത്തിയ യുവാവിന്‌ സംഭവിച്ച ആശങ്കപ്പെടുത്തുന്ന കാര്യങ്ങൾ ഹ്രസ്വചിത്രമായി അവതരിപ്പിച്ചപ്പോൾ മികച്ച ഒരു സന്ദേശമായി അത്‌ മാറി. ടെക്നോപാർക്ക്‌ ജീവനക്കാരനായ സൂര്യജിത്ത്‌ കട്ടപ്പന സംവിധാനം ചെയ്ത് അഭിനയിച്ച ദി ആംഗ്രി വൈറസ്‌ എന്ന ഹ്രസ്വചിത്രമാണ്‌ ശ്രദ്ധ നേടുന്നത്‌. സൂര്യജിത്ത്‌ തന്നെയാണ്‌ കഥയും എഡിറ്റിംഗും നിർവ്വഹിച്ചിരിക്കുന്നത്‌. സൂര്യജിത്തിനൊപ്പം ജോസ്‌ ആന്റണിയും ചിത്രത്തിൽ വേഷമിടുന്നുണ്ട്‌. ശബ്ദം നൽകിയിരിക്കുന്നത്‌ നിത്യ പ്രേം. ഹ്രസ്വചിത്രം കാണാം:
