Web Desk

ന്യൂഡൽഹി

March 19, 2020, 10:02 pm

അനിൽ അംബാനിയെ എൻഫോഴ്സ്മെന്റ് ഡയറക്ടറേറ്റ് ചോദ്യം ചെയ്തു

Janayugom Online

യെസ് ബാങ്കിലെ വായ്പാ തട്ടിപ്പ് കേസുമായി ബന്ധപ്പെട്ട് റിലയൻസ് ഗ്രൂപ്പ് ചെയർമാൻ അനിൽ അംബാനിയെ എൻഫോഴ്സ്മെന്റ് ഡയറക്ടറേറ്റ് (ഇഡി) അധികൃതർ ചോദ്യം ചെയ്തു. ചോദ്യം ചെയ്യുന്നതിനായി ഹാജരാകണമെന്ന് ആവശ്യപ്പെട്ട് ഇഡി അധികൃതർ അനിൽ അംബാനിക്ക് കത്തയച്ചിരുന്നു.

12,800 കോടി രൂപയാണ് യെസ് ബാങ്ക് അനിൽ അംബാനിക്ക് വായ്പ നൽകിയത്. ഇതിന്റെ ഒരു ഭാഗം തുക യെസ് ബാങ്കിന്റെ സ്ഥാപകരിൽ ഒരാളായ റാണാ കപൂറിന് നൽകിയതായും ഇഡി അധികൃതർ കണ്ടെത്തി. എന്നാൽ യെസ് ബാങ്കിനെ പ്രതിസന്ധിയിലാക്കിയ റാണാ കപൂറുമായി റിലയൻസ് ഗ്രൂപ്പിന് ബന്ധമില്ലെന്ന നിലപാടാണ് അനിൽ അംബാനി കഴിഞ്ഞ ആഴ്ച സ്വീകരിച്ചത്.

യെസ് ബാങ്കിൽ നിന്നും ചട്ടങ്ങൾ അനുസരിച്ചുള്ള ഈടുകൾ നൽകിയാണ് വായ്പകൾ എടുത്തത്. എന്നാൽ അനിൽ അംബാനിക്ക് ലഭിച്ച വായ്പയുടെ ഒരു വിഹിതം റാണാ കപൂറിന്റെ ഉടമസ്ഥതയിലുള്ള സ്ഥാപനങ്ങളിൽ നിക്ഷേപിച്ചതായി സിബിഐയും കണ്ടെത്തിയിരുന്നു. എന്നാൽ ഇതുമായി ബന്ധപ്പെട്ട് പ്രതികരിക്കാൻ റിലയൻസ് ഗ്രൂപ്പ് ഇപ്പോൾ തയ്യാറാകുന്നില്ല.

Eng­lish Sum­ma­ry; anil ambani ques­tioned by enforce­ment directorate

YOU MAY ALSO LIKE THIS VIDEO