Web Desk

ഡല്‍ഹി

February 11, 2020, 3:55 pm

ഇത് പുതിയ രാഷ്ട്രീയത്തിന്റെ തുടക്കമെന്ന് അരവിന്ദ് കെജ്രിവാള്‍: ആംആദ്മിക്ക് കേവലഭൂരിപക്ഷം

Janayugom Online

ഡല്‍ഹി നിയമസഭാ തെരഞ്ഞെടുപ്പില്‍ ആംആദ്മിക്ക് കേവലഭൂരിപക്ഷം. എഴുപതി  63 സീറ്റുകള്‍ എഎപി നേടി. ബിജെപിക്ക് 7 സീറ്റില്‍ ഒതുങ്ങേണ്ടി വന്നു. അതേസമയം കോണ്‍ഗ്രസിന് ഒരു സീറ്റുപോലും കിട്ടിയില്ല. ഡൽഹിയിലെ ജനങ്ങൾക്ക് കെജ്രിവാള്‍ നന്ദി അറിയിച്ചു. ഡല്‍ഹി വിജയം പുതിയ രാഷ്ട്രീയത്തിന്റെ തുടക്കമാണ്. ഡൽഹിയിലെ മാത്രമല്ല രാജ്യത്തിൻറെ വിജയമാണെന്നും കെജ്രിവാള്‍ പ്രതികരിച്ചു.

ഡൽഹി മണ്ഡലത്തിൽ അരവിന്ദ് കെജ്രിവാള്‍ വിജയിച്ചു. പട്പട്ഗഞ്ചിൽ ഉപമുഖ്യമന്ത്രി മനീഷ് സിസോദിയയ്ക്കും, കാൽക്കാജിയിൽ എഎപിയുടെ ആതിഷിക്കും ജയിച്ചു. ആംആദ്മിയുടെ നെഞ്ചിടിപ്പ് കൂട്ടിയത് ഈ രണ്ടിടങ്ങളിലെ മത്സരമായിരുന്നു. ഷഹീൻബാഗ് ഉൾപ്പെട്ട ഓഖ്ലയിലും എഎപി തന്നെ വിജയിച്ചു.

ഷഹീൻബാഗിലെ ഒഖ്​ല മണ്ഡലത്തിൽ എഎപിയുടെ അമാനുത്തുള്ള ഖാനാണ് വിജയിച്ചത്. എഎപിയെ മുൾമുനയിൽ നിർത്തിയ മണ്ഡലമാണ് ഒഖ്​ല. ലീഡ് നില മാറിമറിഞ്ഞ് ഉദ്വേഗത്തിന്റെ നിമിഷങ്ങളായിരുന്നു എഎപിക്കും, ബിജെപിക്കും. ഒരുഘട്ടത്തിൽ ബിജെപിയുടെ മുന്നേറ്റമായിരുന്നു ഒഖ്​ലയിൽ. എന്നാൽ അവിടെയും എഎപി വിജയം കൊയ്തു.

Eng­lish Sum­ma­ry: Aravind kejari­w­al won in delhi