കരിപ്പൂര് സ്വര്ണക്കടത്ത് കേസില് പ്രതി അര്ജുന് ആയങ്കിയുടെ ജാമ്യാപേക്ഷ കോടതി തള്ളി. ഇത് രണ്ടാം തവണയാണ് ജാമ്യാപേക്ഷ കോടതി തള്ളുന്നത്. കൊച്ചിയിലെ സാമ്പത്തിക കുറ്റകൃത്യങ്ങള് പരിഗണിക്കുന്ന കോടതിയാണ് ഹര്ജി തള്ളിയത്.
കഴിഞ്ഞ ജൂണ് 28നാണ് അര്ജുന് ആയങ്കിയെ കസ്റ്റംസ് അറസ്റ്റ് ചെയ്തത്. കേസിലെ രണ്ടാം പ്രതിയായ അര്ജ്ജുന് കണ്ണൂര് കേന്ദ്രീകരിച്ച് കള്ളക്കടത്ത് സംഘമുണ്ടെന്നും ജാമ്യം നല്കിയാല് കേസ് ആട്ടിമറിക്കുമെന്നും കസ്റ്റംസ് കോടതിയെ അറിയിച്ചിരുന്നു. കൊലക്കേസില് ജയിലില് കഴിയുന്ന രണ്ട് പ്രതികളുടെ പേരുപയോഗിച്ച് അര്ജുന് ആളുകളെ ഭീഷണിപ്പെടുത്തി കള്ളക്കടത്തു നടത്തിയെന്നാണ് കസ്റ്റംസിന്റെ കണ്ടെത്തല്. വിവിധ വിമാനത്താവളം വഴി സ്വര്ണ്ണക്കള്ളക്കടത്ത് നടത്തിയതില് പ്രതിയ്ക്ക് പങ്കുണ്ടെന്നും കസ്റ്റംസ് അറിയിച്ചു.
കഴിഞ്ഞ മാസം ഏഴിനും അര്ജുന് ആയങ്കി സമര്പ്പിച്ച ജാമ്യ ഹര്ജിയും കോടതി തള്ളിയിരുന്നു. ആയങ്കിയ്ക്ക് ജാമ്യം നല്കി കഴിഞ്ഞാല് തുടര്ന്നുള്ള കേസന്വേഷണത്തെ ബാധിക്കുമെന്നും കസ്റ്റംസ് കോടതിയെ അറിയിച്ചിരുന്നു.
English Summary : Arjun Aayankis bail plea rejected by highcourt again
You may also like this video :
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.