Web Desk

January 05, 2020, 5:49 pm

‘9ാം വാര്‍ഡില്‍ നിന്ന് മെമ്പര്‍ രമേശനെത്തി’ വൈറലായി ആ വരവ്

Janayugom Online

ഒറ്റ നോട്ടത്തില്‍ ഇതാരാണാവോ ഇക്കാലത്ത് ഇത്രയും മനോഹരമായ ചുമരെഴുത്തുമായി വന്നിരിക്കുന്നതെന്ന് നമുക്ക് തോന്നിയേക്കാം. എന്നാല്‍ ഒന്നുകൂടി നോക്കുമ്പോള്‍ കാര്യം കത്തും ഇതൊരു സിനിമാ പോസ്റ്റര്‍ ആണെന്ന്. അതെ അര്‍ജ്ജുന്‍ അശോകന്‍ ചിത്രം മെമ്പര്‍ രമേശന്‍ 9ാം വാര്‍ഡ് എന്ന ചിത്രത്തിന്റെ പോസ്റ്ററാണിത്.


നടന്‍ ടൊവിനോ തോമസ് ആണ് വ്യത്യസ്തമായ ഈ പോസ്റ്റര്‍ സോഷ്യല്‍മീഡിയയിലൂടെ ഷെയര്‍ ചെയ്തിരിക്കുന്നത്. ആന്റോ ജോസ് പെരേരയും എബി ട്രീസാ പോളും ചേര്‍ന്ന് സംവിധാനം ചെയ്യുന്ന ചിത്രത്തില്‍ ചെമ്പന്‍ വിനോദ്, ശബരീഷ് വര്‍മ, സാബുമോന്‍, ഇന്ദ്രന്‍സ് തുടങ്ങിയവരും അഭിനയിക്കുന്നു. ബോബന്‍,മോളി എന്നിവരാണ് നിര്‍മാണം. കൈലാസ് മേനോന്‍ ആണ് സംഗീതം.