October 2, 2022 Sunday

Related news

September 1, 2022
August 11, 2022
May 21, 2022
February 25, 2022
February 4, 2022
November 10, 2021
April 21, 2021
October 11, 2020
August 14, 2020
January 12, 2020

പട്ടം കേന്ദ്രീയ വിദ്യാലയത്തിന്റെ ചുമരുകളില്‍ വിസ്മയം തീര്‍ത്ത് ഓഷീന്‍ ശിവ

Janayugom Webdesk
തിരുവനന്തപുരം
April 21, 2021 6:03 pm

പട്ടം കേന്ദ്രീയ വിദ്യാലയത്തിന്റെ ചുവരുകളില്‍ ചിത്രകാരനും മ്യൂറലിസ്റ്റുമായ ഓഷീന്‍ ശിവ, രചിച്ച ‘ബെറ്റര്‍ ടുഗെദര്‍’ എന്ന മ്യൂറല്‍, വിസ്മയമാവുന്നു. മനുഷ്യരും ആവാസ വ്യവസ്ഥയും തമ്മിലുള്ള സഹജമായ ബന്ധമാണ് മ്യൂറലിന്റെ ഇതിവൃത്തം. പബ്ലിക് ആര്‍ട്ട് പ്രൊജക്ടുകളുടെ സംഘാടകരായ, സെയ്ന്റ് ആര്‍ട്ട് ഇന്ത്യ ഫൗണ്ടേഷനും ഏഷ്യന്‍ പെയിന്റ്സും പ്രമുഖ കലാകാരന്മാരുടെ സഹായത്തോടെ പൊതു ഇടങ്ങളിലെ, പ്രത്യേക ലൊക്കേഷനുകള്‍ പെയിന്റ് ചെയ്യുന്നതിന്റെ ഭാഗമാണ് ഓഷീന്‍ ശിവയുടെ പെയിന്റിങ്ങ്.

നിറങ്ങളും ആശയങ്ങളും സംസ്‌കാരവുമായി സമന്വയിപ്പിക്കുകയാണ് ഈ കൂട്ടായ്മയുടെ ലക്ഷ്യം. ഇതിനുവേണ്ടി ഡൊണേറ്റ് എ വാള്‍ എന്ന സംരംഭത്തിന്റെ ഭാഗമായി, ഒരു മതില്‍ സംഭാവന ചെയ്യാന്‍ ഏഷ്യന്‍ പെയിന്റ്സ് അഭ്യര്‍ത്ഥിച്ചു. പ്രസ്തുത മതില്‍ പെയിന്റ് ചെയ്ത് ഏഷ്യന്‍ പെയിന്റ്സ് മനോഹരമാക്കും. അത് ഒരു മാസ്റ്റര്‍ പീസ് കലാസൃഷ്ടിയായി മാറുകയും ചെയ്യും.


പട്ടം കേന്ദ്രീയ വിദ്യാലയത്തില്‍ ചിത്രകാരനും മ്യൂറലിസ്റ്റുമായ ഓഷീന്‍ ശിവ തയ്യാറാക്കിയ ‘ബെറ്റര്‍ ടുഗെദര്‍’ എന്ന മ്യൂറല്‍ മനുഷ്യരും ആവാസവ്യവസ്ഥയും തമ്മിലുള്ള ബന്ധത്തിന്റെ ദൃഡത വെളിവാക്കുന്നതാണ്. വന്യജീവികളെയും സസ്യജന്തുജാലങ്ങളെയും കലാസൃഷ്ടിയില്‍ അവതരിപ്പിക്കുന്നു. പട്ടത്തെ കേന്ദ്രീയ വിദ്യാലയ സ്‌കൂളിന്റെ ചുവരുകളില്‍ വരച്ച ചുവര്‍ചിത്രം രണ്ട് കുട്ടികള്‍ മൃഗങ്ങളുമായി കളിച്ചുല്ലസിക്കുന്നതും കാണിക്കുന്നു.

നമ്മള്‍ വളര്‍ത്തുകയും സംരക്ഷിക്കുകയും ചെയ്യുമ്പോഴുള്ള ശോഭനമായ ഭാവിയുടെ സാധ്യതയെയാണ് ഇത് പ്രതീകവത്കരിക്കുന്നത്. സുസ്ഥിരതയുള്ള ജീവിതശൈലി കാലഘട്ടത്തിന്റെ ആവശ്യമാണെന്ന് പട്ടം കേന്ദ്രീയ വിദ്യാലയ പ്രിന്‍സിപ്പള്‍ അജയ് കുമാര്‍ പറഞ്ഞു. മ്യൂറല്‍ ചിത്രങ്ങളിലൂടെ ഈ സന്ദേശം പ്രചരിപ്പിക്കാന്‍ കഴിഞ്ഞതായി അജയ് കുമാര്‍ പറഞ്ഞു.

ENGLISH SUMMARY:Art of Oshin Shi­va on the walls of Pat­tom Kendriya Vidyalaya
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.