മൊഗദിഷുവിലെ വിദ്യാഭ്യാസമന്ത്രാലയ പരിസരത്ത് നടന്ന ഭീകരാക്രമണത്തില്‍ 30 പേര്‍ മരിച്ചതായും 35 ഓളം പേര്‍ക്ക് പരിക്കേറ്റതായും റിപ്പോര്‍ട്ട്. സ്‌ഫോടകവസ്തു നിറച്ച വാഹനം മന്ത്രാലയം സ്ഥിതി ചെയ്യുന്ന സോബിലേക്ക് ഓടിച്ചുകയറ്റുകയായിരുന്നു. സ്‌ഫോടനത്തിനു പിന്നാലെ അക്രമികള്‍ വെടിയുതിര്‍ത്തതായും ഏതാനും മിനുറ്റുകള്‍ക്കുള്ളില്‍ രണ്ടാമതും സ്‌ഫോടനം നടന്നുവെന്നുമാണ് റിപ്പോര്‍ട്ട്. ബസില്‍യാത്ര ചെയ്തിരുന്നവരടക്കമാണ് കൊല്ലപ്പെട്ടത്.
തിരക്കേറിയ ഒരു ഹോട്ടലിനു മുന്നിലായിരുന്നു രണ്ടാമത്തെ സ്‌ഫോടനം. ആദ്യ ബോംബ് സ്‌ഫോടനത്തില്‍ പരിക്കേറ്റവരെ ആശുപത്രിയിലേക്കു മാറ്റാനായി എത്തിയ ആംബുലന്‍സ് ഡ്രൈവര്‍ക്ക് രണ്ടാം സ്‌ഫോടനത്തില്‍ പരിക്കേറ്റു. സ്‌ഫോടനത്തില്‍ കൃത്യമായ മരണ സംഖ്യ വ്യക്തമല്ല, വ്യാപകമായ നാശനഷ്ടവും റിപ്പോര്‍ട്ട് ചെയ്തിട്ടുണ്ട്.
English summary; Attack in Somalia; Many de_aths
You may also like this video;
