Web Desk

ബംഗളുരു

September 19, 2021, 8:05 pm

മോഡി പ്രതിമയ്ക്ക് അനുമതി നിഷേധിച്ച് ബംഗളൂരു നഗരസഭ

Janayugom Online

പ്രധാനമന്ത്രി നരേന്ദ്രമോഡിയുടെ 14 അടി ഉയരമുള്ള പ്രതിമ സ്ഥാപിക്കാന്‍ ബംഗളൂരു നഗരസഭ അനുമതി നിഷേധിച്ചു. മുന്‍ ഡെപ്യൂട്ടി മേയറായിരുന്ന ബിജെപി നേതാവ് റാം മോഹന്‍ രാജു മുന്‍കയ്യെടുത്ത് നിര്‍മ്മിച്ച പ്രതിമ ആന്ധ്രയില്‍ നിന്നും ബംഗളൂരുവിലേക്ക് എത്തിക്കൊണ്ടിരിക്കെയാണ് തീരുമാനം.

റോഡരികിലും നടപ്പാതകളിലും മറ്റ് പൊതുസ്ഥലങ്ങളിലും പ്രതിമകളോ മറ്റ് നിര്‍മ്മാണങ്ങളോ പാടില്ലെന്ന സുപ്രീംകോടതിയുടെ 2013 ലെ വിധി ചൂണ്ടികാണിച്ചാണ് നഗരസഭാ അഡ്മിനിസ്‌ട്രേറ്ററുടെ നടപടി. ഈ വിധി അടിസ്ഥാനപ്പെടുത്തി കഴിഞ്ഞമാസം കര്‍ണാടക ഹൈക്കോടതിയും സമാനമായ കര്‍ശന നിര്‍ദ്ദേശം നല്‍കിയിരുന്നു.

റാം മോഹന്‍ രാജു സ്വന്തം പണം ചെലവിട്ടാണ് പ്രതിമ നിര്‍മ്മിച്ചത്. നിലവില്‍ ഒരു ഗോഡൗണ്‍ വാടകയ്ക്കെടുത്ത് പ്രതിമ സൂക്ഷിക്കുമെന്നും അനുമതിക്കായി ശ്രമങ്ങള്‍ തുടരുമെന്നും രാജു പറഞ്ഞു.
eng­lish Summary;Bangalore Munic­i­pal Cor­po­ra­tion denies per­mis­sion for Modi statue
you may also like this video;