August 18, 2022 Thursday

ഇസ്‌റായേലിൽ പാര്‍ട്ടി നേതൃസ്ഥാനം ബെഞ്ചമിന്‍ നെതന്യാഹുവിന് 

p p cheriyan
December 29, 2019 12:06 pm

ജറുസലേം:ഇസ്‌റായേലിൽ (Likud – Nation­al Lib­er­al Move­ment) പാര്‍ട്ടിയുടെ നേതൃസ്ഥാനത്തേക്ക് നടന്ന തെരഞ്ഞെടുപ്പില്‍ ബെഞ്ചമിന്‍ നെതന്യാഹുവിന് വിജയം. പുതിയ പാര്‍ട്ടി തലവനായി നെതന്യാഹു തെരഞ്ഞെടുക്കപ്പെട്ടു. ഗിദിയോണ്‍ സാര്‍ ആയിരുന്നു തെരഞ്ഞെടുപ്പില്‍ നെതന്യാഹുവിന്റെ എതിരാളി.നെതന്യാഹു 72.5 ശതമാനം വോട്ട് നേടിയപ്പോള്‍ എതിര്‍ സ്ഥാനാര്‍ത്ഥി ഗിദിയോണിന് 27.5 ശതമാനം വോട്ടാണ് നേടാനായത്.

മാര്‍ച്ചില്‍ നടക്കാനിരിക്കുന്ന പൊതു തെരഞ്ഞെടുപ്പില്‍ നെതന്യാഹുവായിരിക്കും പാര്‍ട്ടിയെ നയിക്കുക. തോല്‍വി സമ്മതിക്കുന്നെന്നും നെതന്യാഹുവിനൊപ്പം ചേര്‍ന്ന് പ്രവര്‍ത്തിക്കുമെന്നും സാര്‍ പറഞ്ഞു. 12 മാസത്തിനിടെ മൂന്നാമത്തെ തവണയാണ് ഇസ്‌റായേലിൽ പൊതു തെരഞ്ഞെടുപ്പ് നടക്കുന്നത്.രാജ്യത്ത് ഏറ്റവും കൂടുതല്‍ക്കാലം ഭരിച്ച പ്രധാനമന്ത്രിയാണ് ഇദ്ദേഹം. ഒട്ടേറെ അഴിമതി ആരോപണങ്ങളും ഇദ്ദേഹത്തിന്റെ പേരിലുണ്ട്.

ലിക്കുഡ് പാര്‍ട്ടിയില്‍ കാര്യമായ പിന്തുണയുള്ള ആളാണ് നെതന്യാഹുവെങ്കിലും അഴിമതിയാരോപണങ്ങള്‍ തെരഞ്ഞെടുപ്പില്‍ ബാധിച്ചേക്കുമെന്ന് വിദേശ മാധ്യമങ്ങള്‍ നേരത്തെ റിപ്പോര്‍ട്ട് ചെയ്തിരുന്നു.തന്നെ പാര്‍ട്ടിയുടെ നേതൃസ്ഥാനത്തേക്ക് തെരെഞ്ഞെടുത്തതിന് നെതന്യാഹു ട്വിറ്ററിലൂടെ നന്ദിയറിയിച്ചിരുന്നു.

‘you may also like this video’

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.