Web Desk

കൊല്‍ക്കത്ത

September 28, 2021, 9:50 pm

മമത ബാനർജി മത്സരിക്കുന്ന ഭവാനിപ്പൂരിലെ ഉപതെരഞ്ഞെടുപ്പ് സ്റ്റേ ചെയ്യാനാവില്ല : ഹൈക്കോടതി

Janayugom Online

മമത ബാനർജി മത്സരിക്കുന്ന ഭവാനിപ്പൂർ ഉപതെരഞ്ഞെടുപ്പ് സ്റ്റേ ചെയ്യാനാവില്ലെന്ന് കല്‍ക്കട്ട ഹൈക്കോടതി. മുൻകൂട്ടി നിശ്ചയിച്ച സമയക്രമം അനുസരിച്ച് വോട്ടെടുപ്പ് സെപ്റ്റംബര്‍ 30 നും വോട്ടെണ്ണല്‍ ഒക്ടോബര്‍ മൂന്നിനും തന്നെ നടക്കുമെന്ന് കോടതി അറിയിച്ചു.

മുൻഗണന നൽകി ഭവാനിപ്പൂരിൽ ഉപതെരഞ്ഞെടുപ്പ് നടത്തുന്നതിനെതിരെ സമർപ്പിച്ച ഹർജി തള്ളിക്കൊണ്ടാണ് കോടതി ഇക്കാര്യം വ്യക്തമാക്കിയത്. ആക്ടിങ് ചീഫ് ജസ്റ്റിസ് രാജേഷ് ബിന്‍ഡാല്‍, ജസ്റ്റിസ് രാജര്‍ഷി ഭരദ്വാജ് എന്നിവരാണ് ഹര്‍ജി പരിഗണിച്ചത്. അതേസമയം ഭവാനിപ്പൂരിൽ വേഗം തെരഞ്ഞെടുപ്പ് നടത്തണമെന്ന് ആവശ്യപ്പെട്ട് ബംഗാൾ ചീഫ് സെക്രട്ടറി തെരഞ്ഞെടുപ്പ് കമ്മിഷന് കത്ത് നൽകിയതിനെ കോടതി വിമർശിക്കുകയും ചെയ്തു.

 

Eng­lish Sum­ma­ry:  Bhawa­nipur bypoll can­not be stayed: HC

 

You may like this video also