Web Desk

ന്യൂഡൽഹി

January 17, 2020, 8:53 am

മോഡി ആയിരം റാലികള്‍ നടത്തുമെങ്കിൽ, പൗരത്വനിയമത്തിന് എതിരെ താന്‍ ആയിരത്തിഅഞ്ഞൂറ് റാലികള്‍ നടത്തും: ചന്ദ്രശേഖര്‍ ആസാദ്

Janayugom Online

പൗരത്വനിയമത്തിനെതിരായ പ്രതിഷേധത്തില്‍ അറസ്റ്റിലായ ഭീം ആര്‍മി നേതാവ് ചന്ദ്രശേഖര്‍ ആസാദ് ജയില്‍ മോചിതനായി. ജാമ്യം ലഭിച്ച് ഇരുപത്തിനാലു മണിക്കൂര്‍ കഴിഞ്ഞാണ് നടപടികള്‍ പൂര്‍ത്തിയാക്കി ചന്ദ്രശേഖര്‍ ആസാദിന് തീഹാറിന്റെ മതില്‍കെട്ടിന് പുറത്തേക്ക് വരാനായത്. രാത്രി ഒന്‍പത് മണിയോടെ തീഹാര്‍ ജയിലില്‍ നിന്ന് പുറത്തിറങ്ങിയ ആസാദിന് വന്‍ വരവേല്‍പ്പാണ് അണികള്‍ ഒരുക്കിയത്. ഒരുമാസത്തേക്ക് ഡല്‍ഹിയില്‍ പ്രവേശിക്കരുതെന്ന കോടതി ഉത്തരവില്‍ ഇളവ് ലഭിക്കുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേ‌ര്‍ത്തു.

ഭരണഘടന നെഞ്ചോട് ചേര്‍ത്ത് അണികളെയും മാധ്യമങ്ങളെ അഭിസംബോധന ചെയ്ത ശേഷം മസ്ജിദില്‍ പ്രാര്‍ഥന. പൗരത്വനിയമത്തിന് അനുകൂലമായി പ്രധാനമന്ത്രി നരേന്ദ്രമോഡി ആയിരം റാലികള്‍ നടത്തുമെന്നാണ് അറിയിച്ചിട്ടുള്ളതെങ്കില്‍ നിയമത്തിനെതിരെ താന്‍ ആയിരത്തിഅഞ്ഞൂറ് റാലികള്‍ നടത്തുമെന്ന് ചന്ദ്രശേഖര്‍ ആസാദ് പറഞ്ഞു. ‌ഇന്ന് ഉച്ചയ്‍ക്ക് ജുമാമസ്ജിദില്‍ വെള്ളിയാഴ്ച നമസ്കാരത്തില്‍ പങ്കെടുക്കുന്ന ആസാദ് രാമദാസ് ക്ഷേത്രത്തിലും ഗുരുദ്വാരയിലും ക്രിസ്ത്യന്‍ പള്ളിയിലും പ്രാര്‍ഥന നടത്തിയ ശേഷം കോടതി ഉത്തരവ് അനുസരിച്ച് സ്വദേശമായ യുപിയിലെ സഹാറന്‍പുരിലേക്ക് മടങ്ങും.

Eng­lish sum­ma­ry: Bhim army chief Chan­drashekhar azad released from tihar says will con­tin­ue fight against caa

YOU MAY ALSO LIKE THIS VIDEO