പഞ്ചാബിൽ വൻ ഹെറോയിൻ വേട്ട

പഞ്ചാബിലെ ജലന്ധറിൽ നടന്ന റെയ്ഡിൽ 805 ഗ്രാം ഹെറോയിനും 83,400 രൂപയുടെ കള്ളപ്പണവും പിടികൂടി. ശനിയാഴ്ച പുലർച്ചെ ജലന്ധർ റൂറൽ പൊലീസിന്റെ നേതൃത്വത്തിൽ നടത്തിയ റെയ്ഡിൽ കിംഗ്ര ചൊവാല ഗ്രാമത്തിലാണ് സംഭവം. സംഭവത്തില്‍ ആറ് പേരെ അറസ്റ്റ് ചെയ്തു.

സംശയമുള്ള നിരവധി വീടുകൾ പൂട്ടിയിട്ടതായി കണ്ടെത്തിയതിനെ തുടർന്ന് പൂട്ട് പൊളിച്ചാണ് പലയിടങ്ങളിലും പരിശോധന നടത്തിയത്. പ്രദേശത്ത് വൻ തോതിൽ മയക്കുമരുന്ന് വിൽപ്പന നടക്കുന്നുണ്ടെന്ന് ഒട്ടേറെ പരാതികൾ ലഭിച്ചിട്ടുണ്ടെന്നും ഇവ നിയന്ത്രിക്കാൻ പൊലീസ് ഡയറക്ടർ ജനറൽ നിർദ്ദേശം നൽകിയിട്ടുണ്ടെന്നും സീനിയർ പൊലീസ് സൂപ്രണ്ട് സ്വപൻ ശർമ്മ പറഞ്ഞു.

Eng­lish summary;Big hero­in hunt in Punjab

You may also like this video;