Web Desk

December 24, 2019, 11:09 am

മണ്ഡല പൂജ ഒരുക്കത്തിൽ ശബരിമല; വൻ ഭക്തജന തിരക്ക്

Janayugom Online

പത്തനംതിട്ട: മണ്ഡല പൂജക്ക് മൂന്ന് ദിവസം മാത്രം ബാക്കി നിൽക്കേ ശബരിമലയിൽ വൻ ഭക്തജന തിരക്ക്. തിരക്ക് നിയന്ത്രണത്തിന്റെ ഭാഗമായി നിലയ്‌ക്കലിലും പ്രധാന ഇടത്താവളത്തിലും ഭക്തരുടെ വാഹങ്ങൾ നിയന്ത്രിക്കുന്നു. വ്യാഴാഴ്ച്ചയാണ് അയ്യപ്പൻ ചാർത്താനുള്ള തങ്കയങ്കിയും വഹിച്ചുകൊണ്ടുള്ള ഘോഷയാത്ര സന്നിധാനത്തെത്തുക.

ഒരു ലക്ഷത്തോളം തീർത്ഥാടകരാണ് ഇന്നലെ മാത്രം ശബരിമല ദർശനം നടത്തിയത്. തിരക്ക് നിയന്ത്രിക്കാൻ വാഹങ്ങൾ ഇടത്താവളം മുതൽ പോലീസ് നിയന്ത്രിച്ചു തുടങ്ങി. മരക്കൂട്ടം വരെ ഭക്തരുടെ നീണ്ട നിര നീളുന്ന സാഹചര്യമാണ് ഇപ്പോഴുള്ളത്. മണ്ഡലപൂജ കണക്കിലെടുത്ത് നാളെ മുതൽ കൂടുതൽ പൊലീസിനെ വിന്യസിക്കും.

‘you may also like this video’