Web Desk

തിരുവനന്തപുരം

March 09, 2020, 2:05 pm

ബയോ പഞ്ചിങ് നിർത്തി, ജീവനക്കാർക്ക് മാസ്‌ക്കുകൾ; ജാഗ്രതയിൽ കെഎസ്ആർടിസി

Janayugom Online

കോവിഡ് 19 പടരുന്ന സാഹചര്യത്തിൽ കെ എസ് ആർ ടി സി യിലെ ജീവനക്കാർക്ക് ബയോ പഞ്ചിങ് ഒഴിവാക്കി. എല്ലാ ജീവനക്കർക്കും മാസ്ക് ധരിക്കാൻ നിർദേശം നൽകിയതായി ഗതാഗത വകുപ്പ് മന്ത്രി എ കെ ശശീന്ദ്രൻ വ്യക്തമാക്കി. കണ്ടക്ടർമാരും ഡ്രൈവർമാരും മാസ്ക് ധരിക്കണം, എല്ലാ ജീവനക്കാർക്കും മാസ്ക് നൽകും. പത്തനംതിട്ട, ഇടുക്കി, എറണാകുളം ജില്ലയിലെ ജീവനക്കാർക്ക് ഇന്ന് മുതൽ മുഖാവരണം നിർബന്ധമാക്കി. മറ്റു ജില്ലകളിലേക്ക് അടുത്ത ദിവസം വ്യപിപ്പിക്കും.

ആരോഗ്യവകുപ്പ് നൽകുന്ന നിർദേശങ്ങൾ കർശനമായി പാലിക്കുകയും അത് ലംഘിക്കുന്നവർക്ക് എതിരെ കർശന നടപടി സ്വീകരിക്കുമെന്നും ആരോഗ്യ മന്ത്രി പറഞ്ഞു. നെടുമ്പാശേരി വിമാനത്താവളത്തിൽ ഇറ്റലിയിൽ നിന്നെത്തിയ മൂന്ന് വയസുള്ള കുട്ടിക്ക് കൂടി കോവിഡ് 19 സ്ഥിരീകരിച്ചു.

ENGLISH SUMMARY: Bio­met­ric punch­ing stopped in ksrtc

YOU MAY ALSO LIKE THIS VIDEO