Web Desk

കോഴിക്കോട്

March 08, 2020, 9:35 pm

പക്ഷിപ്പനി: കോഴിക്കോട് ഇന്ന് കൊന്നത് 1700 പക്ഷികളെ

Janayugom Online

പക്ഷിപ്പനി സ്ഥിരീകരിച്ച കോഴിക്കോട് വേങ്ങര,കൊടിയത്തൂർ എന്നിവിടങ്ങളിൽ 1700 പക്ഷികളെ കൊന്നു. കോഴി,താറാവ്, വളർത്തു പക്ഷികൾ എന്നിവയെ നശിപ്പിച്ചതായി മൃഗസംരക്ഷണ വകുപ്പ് അറിയിച്ചു. രോഗം സ്ഥിരീകരിച്ചതിന് ഒരു കിലോമീറ്റർ പരിധിയിലുള്ള പക്ഷികളെയാണ് കൊല്ലുന്നത്. ഇത് നാളെയും തുടരും. 2016ലാണ് സംസ്ഥാനത്ത് ഇതിനു മുൻപ് പക്ഷിപ്പനി സ്ഥിരീകരിച്ചത്. കുട്ടനാട് ഭാഗത്തെ താറാവുകൾക്കായിരുന്നു അന്ന് രോഗം സ്ഥിരീകരിച്ചത്. രോഗം ഇതുവരെ മനുഷ്യരിലേക്ക് പടർന്നിട്ടില്ലെന്ന് ആരോഗ്യ വകുപ്പ് അധികൃതർ അറിയിച്ചിരുന്നു.

രോഗം സ്ഥിരീകരിച്ച പ്രദേശങ്ങളിലെ മുഴുവൻ വളർത്തു പകഷികളെയും മൂന്ന് ദിവസത്തിനുള്ളിൽ കൊന്ന് കത്തിച്ചുകളയും. അഞ്ചര അടി താഴ്ചയിൽ കുഴിയെടുത്താണ് പക്ഷികളെ കത്തിക്കുന്നത്. 13000ത്തിലധികം വളർത്തു പക്ഷികളെയാണ് ഇത്തരത്തിൽ കൊല്ലേണ്ടി വരിക. പരിശീലനം നേടിയ അഞ്ചുപേരടങ്ങുന്ന 25 സംഘങ്ങളാണ് വേങ്ങേരി ചാത്തമംഗലം കൊടിയത്തൂർ മേഖലകളിൽ കോഴികളെ കൊല്ലുന്നത്.

Eng­lish Sum­ma­ry: Bird flu- killed 1700 birds in kozhikode

You may also like this video