Web Desk

December 26, 2019, 4:18 pm

ഇന്ത്യൻ കർഷകർക്ക് ഭീഷണി ഉയർത്തി പാകിസ്ഥാനിൽ നിന്നുള്ള പക്ഷികൾ

Janayugom Online

അഹമ്മദാബാദ്: പാകിസ്ഥാനിൽ നിന്നുള്ള വെട്ടുകിളികൾ ഇന്ത്യൻ കർഷകർക്ക് ഭീഷണിയാകുന്നു. പാകിസ്ഥാൻ അതിർത്തികടന്നെത്തുന്ന കിളികൾ കൂട്ടമായി ഗുജറാത്തിലെ ഗ്രാമങ്ങളിലെത്തി കൃഷിയിടങ്ങളിലെ വിളകൾ തിന്നുകയാണ്. വടക്കന്‍ ഗുജറാത്ത്, ബണസ്കാന്ത, പടന്‍, കുച് എന്നീ ജില്ലകളിലാണ് വെട്ടുകിളികളുടെ ശല്യം രൂക്ഷമാകുന്നത്. ടിഡിസ് എന്ന് പ്രാദേശികമായി അറിയപ്പെടുന്ന ഈ കിളികള്‍ കൂട്ടമായി അതിര്‍ത്തി ഗ്രാമങ്ങളിലേക്ക് എത്തുകയും ആവണക്ക്, ജീരകം, പരുത്തി, കിഴങ്ങ്, തീറ്റപ്പുല്‍ എന്നീ വിളകള്‍ വ്യാപകമായി നശിപ്പിക്കുകയുമാണ്. ഏകദേശം 20തോളം താലൂക്കുകളാണ് ഇത്തരത്തില്‍ വെട്ടുകിളി ശല്യം നേരിടുന്നത്.

you may also like this video

1993–94 കാലഘട്ടത്തിന് ശേഷം ഇതുവരെ ഗുജറാത്തില്‍ വെട്ടുകിളികള്‍ കൂട്ടമായി എത്തിയിട്ടില്ല. വിളകൾ പൂർണമായും തിന്നുന്നത് കർഷകർക്ക് പ്രതി സന്ധി സൃഷ്ടിക്കുകയാണ്. കൂട്ടമായെത്തുന്ന ഇവയെ തുരത്താനുള്ള മാർഗം ആലോചിക്കുകയാണ് കർഷകർ. സൗത്ത് ഏഷ്യയില്‍ വ്യാപകമായ രീതിയില്‍ വെട്ടുകിളി ശല്യമുണ്ടാകുമെന്ന് യുഎന്‍ ഫുഡ് ആന്‍ഡ് അഗ്രിക്കള്‍ച്ചര്‍ ഓര്‍ഗനൈസേഷന്‍ മുന്നറിയിപ്പ് നല്‍കിയിരുന്നു. ബണസ്കന്തയിലാണ് ഏറ്റവുമധികം നാശനഷ്ടങ്ങള്‍ ഉണ്ടായത്. പകല്‍സമയങ്ങളില്‍ കൂട്ടമായെത്തുന്ന വെട്ടുകളികള്‍ രാത്രി കൃഷിയിടങ്ങളില്‍ തങ്ങുകയും വിളകള്‍ വ്യാപകമായി നശിപ്പിക്കുകയുമാണ്.