Web Desk

December 22, 2019, 10:01 pm

മുസാഫർനഗറിൽ വീണ്ടും കലാപത്തിനൊരുങ്ങി ബിജെപി

Janayugom Online

മുസാഫർനഗർ: കേന്ദ്ര സർക്കാർ കൊണ്ടുവന്ന പൗരത്വ ഭേദഗതി നിയമത്തിനെതിരെ പ്രതിഷേധിച്ചതിന് ഉത്തർപ്രദേശിലെ മുസാഫർനഗറിൽ വ്യാപക അക്രമം. നിരവധി വാഹനങ്ങളും പള്ളികളും തകർത്തതായാണ് റിപ്പോർട്ട്. 2013‑ൽ മുസാഫർ നഗറിലുണ്ടായ കലാപത്തിന് പിന്നിൽ പ്രവർത്തിച്ച സഞ്ജീവ് ബലിയാൻ എം പിയാണ് ഈ ആക്രമണങ്ങൾക്ക് പിന്നിലെന്നാണ് പുതിയ വെളിപ്പെടുത്തലുകൾ.

you may also like this video


കോൺഗ്രസ് നേതാവും മുൻ എംപിയുമായ സൈദുസ്സാമാന്റെ നാലു കാറുകളും അക്രമിസംഘം കത്തിച്ചു. അക്രമത്തിനു പിന്നിൽ ആർ.എസ്.എസുകാരാണെന്ന് അദ്ദേഹത്തിന്റെ മകൻ സൽമാൻ സയ്യിദ് ആരോപിച്ചു. പോലീസും ആർ.എസ്.എസും നടത്തുന്ന അക്രമങ്ങൾക്കിടയിലും കനത്ത പ്രതിഷേധമാണ് യു.പിയിൽ നടക്കുന്നത്. പൗരത്വഭേദഗതി നിയമത്തിനെതിരെ ഇന്നും രാജ്യത്തിന്റെ വിവിധ ഭാഗങ്ങളിൽ പ്രതിഷേധം അരങ്ങേറുകയാണ്.