ജയ് ശ്രീറാം വിളിച്ച് ബിജെപി കൗൺസിലർമാർ; ദേശീയ പതാക പ്രദർശിപ്പിച്ച് എൽഡിഎഫ് കൗൺസിലർമാർ

തദ്ദേശ ജന പ്രതിനിധികളുടെ സത്യപ്രതിജ്ഞാ ചടങ്ങുകൾ പുരോഗമിക്കവേ   പാലക്കാട് അരങ്ങേറിയത് നാടകീയ രംഗങ്ങൾ. സത്യപ്രതിജ്ഞക്ക് ശേഷം ബിജെപി കൗൺസിലർമാർ ജയ് ശ്രീറാം വിളിച്ച് രംഗത്ത് വന്നു.

ഇതിനെ തുടർന്ന് സിപിഐഎം കൗൺസിലർമാർ ദേശീയ പതാകയുമായി പ്രതിഷേധിച്ചു. തദ്ദേശ തെരഞ്ഞെടുപ്പ് വോട്ടെണ്ണൽ ദിവസം പാലക്കാട് നഗരസഭയിൽ ബിജെപി പ്രവർത്തകർ ജയ് ശ്രീറാം ബാനർ ഉയർത്തിയ സംഭവം സംസ്ഥാനത്ത് ഏറെ ചർച്ചകൾക്ക് കാരണമായിരുന്നു.

ഇതിന്റെ തുടർച്ചയാണ് പാലക്കാട് ഇന്ന് നടന്നത്. സംഭവത്തില്‍ നഗരസഭ സെക്രട്ടറിയുടെ പരാതിയെ തുടർന്ന് പൊലീസ് കേസെടുക്കുകയും ചെയ്തിരുന്നു. അതേസമയം ബിജെപി പ്രവർത്തകരുടെ പ്രകടനത്തെ പിന്തുണച്ച് കൊണ്ടാണ് ബിജെപി നേതാക്കള്‍ രംഗത്തെത്തിയത്. പാലക്കാട് കേരളത്തിന്റെ ഗുജറാത്താണെന്ന് പറഞ്ഞുകൊണ്ടാണ് ബിജെപി സംസ്ഥാന വക്താവ് സന്ദീപ് വാര്യർ ഇതിന്റെ വീഡിയോ പങ്കുവെച്ചത്. ബിജെപി പ്രവർത്തകരുടെ ഈ നടപടിയ്ക്കെതിരെ വ്യാപകമായ രീതിയിലുള്ള വിമർശനങ്ങളും ഉയർന്നിരുന്നു.

Eng­lish sum­ma­ry; BJP coun­cilors call Jai Shri­ram in Palakkad; LDF coun­cilors dis­play­ing the nation­al flag

You may also like this video;