August 19, 2022 Friday

Related news

August 18, 2022
August 18, 2022
August 18, 2022
August 18, 2022
August 18, 2022
August 18, 2022
August 18, 2022
August 18, 2022
August 17, 2022
August 17, 2022

പെൺകെണിയൊരുക്കിയിട്ടും ബിജെപിക്ക് കിട്ടിയത് 52 ലക്ഷം മിസ്ഡ് കോളുകൾ

Janayugom Webdesk
January 7, 2020 6:37 pm

ന്യൂഡൽഹി: പെൺകെണിയുൾപ്പെടെയുള്ള തന്ത്രങ്ങൾ ആവിഷ്കരിച്ചിട്ടും ബിജെപിയുടെ ഫോണിലേയ്ക്ക് ലഭിച്ചത് 52 ലക്ഷം കോളുകൾ മാത്രം. ബിജെപിയുമായി ബന്ധപ്പെട്ട സോഷ്യൽ മീഡിയ പ്ലാറ്റുഫോമുകളിൽ നടത്തിയ അഭിപ്രായ സർവേകളെല്ലാം പരാജയപ്പെട്ടപ്പോഴായിരുന്നു മിസ്ഡ് കോൾ തന്ത്രം ബിജെപി ആവിഷ്കരിച്ചത്. പൗരത്വ നിയമത്തെ അനുകൂലിക്കുന്നുവെങ്കിൽ ഒരു പ്രത്യേക നമ്പറിലേയ്ക്ക് മിസ് കോൾ നൽകുക എന്നായിരുന്നു ബിജെപിയുടെ ആഹ്വാനം. ഇതിന് പിന്നാലെ നിരവധി ട്വിറ്റർ അക്കൗണ്ടുകളിൽ ഇതേ നമ്പർ ഉപയോഗിച്ച് പെൺകെണി സൂത്രവും തൊഴിൽ വാഗ്ദാനവുമെല്ലാം പരീക്ഷിച്ചു. ഇത്തരത്തിലുള്ള നൂറുകണക്കിന് ട്വീറ്റുകളുടെ സ്ക്രീൻ ഷോട്ടുകളാണ് ദേശീയ മാധ്യമങ്ങൾ പ്രസിദ്ധീകരിച്ചത്.

എന്നിട്ടും തിങ്കളാഴ്ച വൈകിട്ട് വരെ 52 ലക്ഷം കോളുകളാണ് ലഭിച്ചത്. തന്ത്രത്തിന്റെ സൂത്രധാരനായ ആഭ്യന്തരവകുപ്പ് മന്ത്രി അമിത്ഷാ തന്നെയാണ് 52,70,000 മിസ് കോൾ ലഭിച്ച കാര്യം വെളിപ്പെടുത്തിയത്. ഞാനിപ്പോൾ ബോറടിച്ചിരിക്കുകയാണ് നമുക്ക് അൽപം സംസാരിക്കാം ഒരു മിസ് കോൾ തരൂ, തൊഴിലന്വേഷിക്കുകയാണോ ഈ നമ്പറിൽ വിളിക്കൂ എന്നിങ്ങനെ നിരവധി സന്ദേശങ്ങളാണ് ബിജെപിയുടെ നമ്പറിൽ വിളിക്കുന്നതിനുള്ള മിസ് കോളിനായി ട്വിറ്ററിൽ പ്രചരിച്ചത്.

നിരവധി മൊബൈൽ നമ്പറുകളിലേയ്ക്കും ഇതേ രീതിയിലുള്ള സന്ദേശങ്ങൾ നൽകി. എന്നിട്ടും 14 കോടിയിലധികം ഫോൺ കണക്ഷനുള്ള രാജ്യത്ത് 52 ലക്ഷം മിസ് കോളുകൾ മാത്രമാണ് ലഭിച്ചിരിക്കുന്നത്. രാജ്യത്ത് വിവിധ കേന്ദ്രങ്ങളിൽ പൗരത്വ ഭേദഗതി നിയമത്തിനനുകൂലമായി നടത്തിയ ഭവന സന്ദർശനം പാളിയിരുന്നു. അമിത്ഷാ ഉൾപ്പെടെയുള്ള പ്രമുഖ നേതാക്കൾക്കുപോലും ജനങ്ങളിൽ നിന്ന് എതിർപ്പ് നേരിടേണ്ടി വരികയും ചെയ്തിരുന്നു.

Eng­lish Sum­ma­ry: BJP gets 52 lakh missed calls.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.