പ്രവാചക നിന്ദ; നൂപുർ ശർമയെ വീണ്ടും ചോദ്യം ചെയ്യും

പ്രവാചക നിന്ദ നടത്തിയ ബിജെപി മുൻ വ്യക്തവ് നൂപുർ ശർമയെ വീണ്ടും ചോദ്യം ചെയ്യും. ഇതുമായി ബന്ധപ്പെട്ട് നൂപുർ ശർമയ്ക്ക് വീണ്ടും നോട്ടീസ് നൽകുമെന്ന് ഡല്‍ഹി പൊലീസ് വ്യക്തമാക്കി.

സുപ്രീംകോടതി നൂപുർ ശർമയ്ക്കെതിരെ രൂക്ഷ വിമർശനം ഉന്നയിച്ചതിന് പിന്നാലെയാണ് വീണ്ടും ചോദ്യം ചെയ്യാനുള്ള നടപടികളുമായി ഡല്‍ഹി പൊലീസ് രംഗത്തെത്തിയിരിക്കുന്നത്.

നൂപുർ ശർമയുടെ മൊഴിയെടുത്തിരുന്നുവെന്ന് ഇന്നലെ ഡല്‍ഹി പൊലീസ് വ്യക്തമാക്കിയിരുന്നു. കഴിഞ്ഞ പതിനെട്ടിന് തന്നെ മൊഴി രേഖപ്പെടുത്തിയതാണെന്നാണ് പൊലീസ് അറിയിച്ചത്.

നൂപുർ ശർമയെ അറസ്റ്റ് ചെയ്യാത്തതിൽ പൊലീസിനെ കോടതി രൂക്ഷമായി വിമർശിച്ചിരുന്നു. നുപുർ ശർമയ്ക്ക് പൊലീസിന്റെ ചുവന്ന പരവതാനി കിട്ടിക്കാണുമെന്ന പരിഹാസവും ഉന്നയിച്ചു.

സുപ്രീംകോടതി വിമർശനത്തിന് പിന്നാലെ നൂപുർ ശർമയുടെ അറസ്റ്റിന് സമ്മർദ്ദം ശക്തമാക്കി പ്രതിപക്ഷ പാർട്ടികളും രംഗത്തെത്തിയിട്ടുണ്ട്. സുപ്രീംകോടതിക്ക് കാര്യങ്ങൾ മനസ്സിലായെങ്കിൽ പ്രധാനമന്ത്രി എന്തിന് ഭയക്കുന്നുവെന്ന് അസദുദ്ദീൻ ഒവൈസി ചോദിച്ചു.

ഗുജറാത്ത് കലാപക്കേസിൽ നടപടികൾ പെട്ടന്നെടുത്ത സർക്കാർ ബിജെപി മുൻ വക്താവിനെതിരെ നടപടി എടുക്കാൻ മടിച്ച് നിൽക്കുന്നതെന്തിനെന്ന ചോദ്യവുമായി കോൺഗ്രസും രംഗത്തെത്തി.

Eng­lish summary;blasphemy of the prophet; Nupur Shar­ma will be ques­tioned again

You may also like this video;