മുംബൈ സര്‍വകലാശാലയ്ക്ക് നേരെ ബോംബ് ഭീഷണി. പരീക്ഷാ ഫലം വൈകുന്നതിനാലാണ് മുംബൈ സര്‍വ്വകലാശാലയ്ക്ക് ഭീഷണി സന്ദേശം ലഭിച്ചത്.ബിഎ, ബിഎസ്സി,ബികോം എന്നിവയുടെ പരീക്ഷാഫലം പുറത്തുവിടാന്‍ ആവശ്യപ്പെട്ടാണ് ബോംബ് ഭീഷണിയെന്ന് മുംബൈ സര്‍വകലാശാല അധികൃതര്‍ അറിയിച്ചു.
ഇ‑മെയില്‍ വഴിയാണ് ബോംബ് ഭീഷണി ലഭിച്ചത്. സംഭവത്തില്‍ ബാന്ദ്ര കുര്‍ല കോംപ്ലക്സ് പോലീസ് സ്റ്റേഷനില്‍ സര്‍വകലാശാല അധികൃതര്‍ പരാതി നല്‍കി. ഐപി ആഡ്രസ് കണ്ടെത്തി ഇ‑മെയിലുകളുടെ ഉറവിടം കണ്ടെത്താനുളള ശ്രമം പോലീസ് ആരംഭിച്ചു.
ബികോമിന്റെയും ബിഎസിയുടെയും അവസാന വര്‍ഷ സെമസ്റ്റര്‍ ഫലങ്ങള്‍ മുംബൈ സര്‍വകലാശാല ജൂലൈയില്‍ പുറത്തിറക്കിയിരുന്നു. എന്നാല്‍ കൊറോണ വ്യാപനം കാരണം ഒന്നാം വര്‍ഷ പരീക്ഷാ നടത്തിപ്പും ഫലപ്രഖ്യാപനവും വൈകി. ഇതാണ് ഭീഷണിയ്ക്ക് കാരണമെന്നാണ് അധികൃതര്‍ അറിയിക്കുന്നത്.
English Summary : bomb threat in mumbai university
You may also like this video :
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.