Web Desk

December 13, 2019, 5:40 pm

പൗരത്വ ഭേദഗതി ബില്ലിനെതിരെ ഇടത് വലത് മുന്നണികൾ ഒന്നിക്കുന്നു

Janayugom Online

തിരുവനന്തപുരം: രാജ്യമൊട്ടാകെ പൗരത്വ ഭേദഗതി ബില്ലിനെതിരെ പ്രക്ഷോഭം ആളിപ്പടരുമ്പോൾ കേരളത്തിൽ ഇത്തരമൊരു നടപടി നടപ്പാകില്ലെന്ന് മുഖ്യമന്ത്രി നേരത്തേ അറിയിച്ചിരിന്നു. ഇപ്പോൾ ബില്ലിനെതിരെ സംയുക്ത പ്രക്ഷോഭത്തിനൊരുങ്ങുകയാണ് ഇടത് വലത് മുന്നണികൾ. പൗരത്വ നിയമ ഭേദഗതിക്കെതിരെ സംസ്ഥാനത്ത് ഭരണ, പ്രതിപക്ഷങ്ങള്‍ സംയുക്ത പ്രക്ഷോഭത്തിലേക്ക്.

you may also like this video

തിങ്കളാഴ്ച മുഖ്യമന്ത്രിയും പ്രതിപക്ഷ നേതാവും ഒരുമിച്ച് പ്രതിഷേധ ധര്‍ണയില്‍ പങ്കെടുക്കുാനാണ് തീരുമാനം. പ്രതിപക്ഷനേതാവ് രമേശ് ചെന്നിത്തല മുഖ്യമന്ത്രിയുമായി സംസാരിച്ചതിന്റെ അടിസ്ഥാനത്തിലാണ് സംയുക്ത സമരപരിപാടി തീരുമാനിച്ചത്. തിരുവനന്തപുരം രക്തസാക്ഷി മണ്ഡപത്തിന് മുന്നില്‍ സംഘടിപ്പിക്കുന്ന ധര്‍ണയില്‍ മന്ത്രിമാരും യുഡിഎഫ് നേതാക്കളും പങ്കെടുക്കും. രാജ്യമെമ്പാടും പ്രതിഷേധം ശക്തമാകുന്നതിനിടെയാണ് കേരളത്തില്‍ ഭരണപക്ഷവും പ്രതിപക്ഷവും ബിജെപി സര്‍ക്കാരിന്റെ വിവാദ നിയമനിര്‍മാണത്തിനെതിരെ കൈകോര്‍ക്കുന്നത്.