Web Desk

January 03, 2020, 11:05 am

പ്രസവിക്കാൻ പാറ്റയ്ക്ക് സിസേറിയനും വേദനസംഹാരിയും! അമ്പരക്കേണ്ട സംഗതി സത്യമാ…

Janayugom Online

പ്രസവിക്കുന്നതിന് വേണ്ടി സിസേറിയന്‍ നടത്തുന്നവര്‍ സാധാരണയാണ്. ഇതെല്ലാം ഡോക്ടറുടെ നിര്‍ദ്ദേശപ്രകാരമാണ് ചെയ്യുന്നത്. എന്നാല്‍ ഇവിടെ അത്ഭുതപ്പെടുത്തുന്നത് പാറ്റയ്ക്ക് വേണ്ടി ചെയ്ത ശസ്ത്രക്രിയയാണ്. കേള്‍ക്കുമ്പോള്‍ അത്ഭുമായി തോന്നാം. ഗര്‍ഭിണിയായ പാറ്റയെയാണ് വേദന സംഹാരി നല്‍കിയും ശസ്ത്രക്രിയ നടത്തിയും പ്രസവമെടുത്തത്. റഷ്യയിലെ ഒരു മെഡിക്കല്‍ സംഘമാണ് ഇത്തരം ഒരു കാര്യത്തിന് മുന്‍കൈയ്യെടുത്ത് എത്തിയത്. എന്നാല്‍ ഇതിന് പിന്നിലെ യഥാര്‍ത്ഥ കാരണം എന്താണെന്ന് അറിയോ?

പാറ്റയ്ക്ക് ഗുരുതര ആരോഗ്യ പ്രശ്നങ്ങള്‍ ഉണ്ടായിരുന്നു എന്നാണ് ഇവർ പറയുന്നത്. പാറ്റയുടെ കൊക്കൂണിനെ പാറ്റ പുറത്തായിരുന്നു സൂക്ഷിച്ചിരുന്നത്. ഇത് പിന്നീട് അണുബാധ ഉണ്ടാക്കുകയും പാറ്റയുടെ ജീവന്‍ അപകടത്തിലാക്കുകയും ചെയ്തു.

എന്നാല്‍ അതിനെ രക്ഷിക്കുന്നതിന് വേണ്ടിയാണ് നാനോ സര്‍ജറി ചെയ്യുന്നതിന് ഒരു കൂട്ടം ഡോക്ടര്‍മാര്‍ തയ്യാറായത്. അതിന് വേണ്ടി മൂന്ന് വേദന സംഹാരികള്‍ ഉപയോഗിക്കുകയും ലോക്കല്‍ അനസ്തേഷ്യ പാറ്റയ്ക്ക് നല്‍കുകയും ചെയ്തു. അനസ്തേഷ്യ നല്‍കി സര്‍ജറി ചെയ്ത ശേഷം പാറ്റയുടെ കൊക്കൂണ്‍ വളരെ വിജയകരമായി തന്നെ പുറത്തേക്കെടുക്കുകയും ചെയ്തു.

Archi­man­dri­ta എന്ന ഇനത്തില്‍ പെട്ട അപൂര്‍വ്വമായ പാറ്റയാണ് ഇത് എന്നാണ് വിദഗ്ധര്‍ പറയുന്നത്. എട്ട് സെന്റി മീറ്റര്‍ വരെ ഈ പാറ്റ നീളം വെയ്ക്കുന്നുണ്ട്. സൗത്ത് അമേരിക്കയിലെ കാടുകളിലാണ് ഇവയെ കാണപ്പെടുന്നത്. ഇതിനെ വളര്‍ത്തുന്നവര്‍ ധാരാളമുണ്ട്. എന്നാല്‍ പാറ്റയാണെങ്കിലും ഉറുമ്പാണെങ്കിലും മനുഷ്യനാണെങ്കിലും ജീവന്റെ വില ഒന്നാണ് എന്നാണ് ഇത് കാണിച്ച്‌ തരുന്നത്. വിജയകരമായി പൂര്‍ത്തിയാക്കിയ ശസ്ത്രക്രിയ എന്ന അടിക്കുറുപ്പോടെയാണ് ഈ വീഡിയോ ഇന്ന് ലോകം മുഴുവന്‍ പങ്ക് വെക്കുന്നത്.

Eng­lish Sum­ma­ry: Cae­sare­an and pain killer to give birth in Cockroach.

you may also like this video;