Web Desk

കൊയിലാണ്ടി

December 22, 2019, 6:23 pm

ടൂറിസ്റ്റ് ബസ് കാറിലിടിച്ച് അപകടം യുവാവ് മരിച്ചു

Janayugom Online

കൊയിലാണ്ടി: ടൂറിസ്റ്റ് ബസ് കാറിലിടിച്ച് അപകടം യുവാവ് മരിച്ചു. കണ്ണൂർ അഴീക്കോട് കാപ്പിലെ പീടിക മാണിക്കോത്ത് ഹൗസിൽ ഷാജ്കുമാറിന്റെയും റീനയുടെയും മകൻ അഖിൽഷാജ് (21)ആണ് മരിച്ചത്.

വെളളിയാഴ്ച രാത്രി 12 മണിക്കായിരുന്നു സംഭവം. ഇടിയുടെ ആഘാതത്തിൽ റോഡിൽനിന്ന് 40 മീറ്ററോളം അകലെയുളള പറമ്പിലാണ് കാർ വന്നുനിന്നത്. കാർ പൂർണമായും തകർന്നു. ഗൾഫിൽനിന്നു നാട്ടിലേക്കുവന്ന സുഹൃത്തിനെ കരിപ്പൂർ വിമാനത്താവളത്തിൽനിന്നും കൂട്ടിക്കൊണ്ടുവരുന്നതിനിടെയാണ് അപകടം നടന്നത്. ഗൾഫിൽ നിന്നെത്തിയ പയ്യന്നൂർ സ്വദേശി സാഗറിനും സുഹൃത്ത് അമൽജിത്തിനും പരുക്കേറ്റു. ഇവരെ കോഴിക്കോടും കൊയിലാണ്ടിയിലുമുള്ള ആശുപത്രികളിൽ പ്രവേശിപ്പിച്ചു.

you may also like this video