സംസ്ഥാനത്തിന് മുന്നോട്ടു പോകാനുള്ള കരുത്താണ് കേരള ബാങ്ക് അടക്കം സംസ്ഥാനത്തിന്റെ നിയന്ത്രണത്തിലുള്ല ധനകാര്യ സ്ഥാപനങ്ങളെന്ന് മുന് ധനമന്ത്രി ഡോ. ടി എം തോമസ് ഐസക്ക്. കേരള വികസനത്തിന്റെ കേന്ദ്ര ബിന്ദുവെന്ന നിലയില് രൂപപ്പെട്ട കേരള ബാങ്കിന് സംസ്ഥാനത്തിന്റെ പശ്ചാത്തല വികസനം, കാര്ഷിക സംരംഭക വികസനം എന്നീ മേഖലകളിലെല്ലാം മാതൃകാപരമായ പ്രവര്ത്തനം കാഴ്ചവെയ്ക്കാന് കഴിയുമെന്നും അദ്ദേഹം പറഞ്ഞു. കേരള ബാങ്ക് ഭരണസമിതി അംഗങ്ങൾ, ബോർഡ് ഓഫ് മാനേജ്മെന്റ് അംഗങ്ങൾ, ചീഫ് ജനറൽ മാനേജർമാർ, ജനറൽ മാനേജർമാർ എന്നിവർക്കായി എറണാകുളം ബോൾഗാട്ടി പാലസിൽ സംഘടിപ്പിച്ച ദ്വിദിന ശിൽപ്പശാല ഉദ്ഘാടനം ചെയ്യുകയായിരുന്നു അദ്ദേഹം.
ഇടനിലക്കാരുടെ പങ്കാളിത്തമില്ലാത്ത പുതിയ സംരംഭക മാതൃകയായ പ്ലാറ്റ്ഫോം കോ–-ഓപ്പറേറ്റീവ്സ്’കളുടെയും സൂഷ്മ ചെറുകിട സംരംഭങ്ങളുടെയും വളർച്ചയ്ക്ക് പ്രത്യേക പദ്ധതികൾ തയ്യാറാക്കാൻ കേരള ബാങ്കിന് കഴിയണമെന്ന് അദ്ദേഹം പറഞ്ഞു. കേരള ബാങ്ക് പ്രസിഡന്റ് ഗോപി കോട്ടമുറിക്കൽ അധ്യക്ഷനായി. ചീഫ് എക്സിക്യൂട്ടീവ് ഓഫീസർ ജോർട്ടി എം ചാക്കോ, ബോർഡ് ഓഫ് മാനേജ്മെന്റ് ചെയർമാൻ വി രവീന്ദ്രൻ എന്നിവർ സംസാരിച്ചു.
Central Point of Kerala Bank Development: Dr Thomas Isaac
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.