Web Desk

ബെംഗളൂരു

January 24, 2020, 10:32 pm

1 രൂപയ്ക്ക് 1 ജിബി! പുതിയ ഓഫറുമായി ഈ കമ്പനി

Janayugom Online

ബെംഗളൂരു ആസ്ഥാനമാക്കി പ്രവര്‍ത്തിക്കുന്ന ‘വൈഫൈ ഡബ്ബ’ എന്ന കമ്പനി പുതിയ വാഗ്ദാനവുമായി രംഗത്ത്. ഒരു രൂപയ്ക്ക് ഒരു ജിബി ഇന്റര്‍നെറ്റ് ഡാറ്റ എന്ന് കമ്പനിയുടെ ഓഫർ കേട്ട് ഉപയോക്താക്കളുടെ കണ്ണ് തള്ളിയിരിക്കുകയാണ്. കാരണം ഇതിന് വേണ്ടി സബ്‌സ്‌ക്രിപ്ഷന്‍ ആവശ്യമില്ല, സൈന്‍-അപ് വേണ്ട, ഇന്‍സ്റ്റാലേഷന്‍ ഫീയുമില്ല. മൊത്തം ചെലവ് കണക്കാക്കിയാല്‍ ബ്രോഡ്ബാന്‍ഡ് അടക്കം എല്ലാ ഡേറ്റാ സേവനദാതാക്കളുടെയും നിരക്കുകളെക്കാള്‍ പലമടങ്ങ് കുറവാണ് വൈ-ഫൈ ഡബ്ബയുടേത്. ഇത് ധാരാളം ഡേറ്റ വേണ്ട പലര്‍ക്കും ആകര്‍ഷകമാകും. ഗിഗാബിറ്റ് വൈഫൈ (Giga­bit WiFi) സേവനമാണ് വൈ-ഫൈ ഡബ്ബ എല്ലാവര്‍ക്കും ലഭ്യമാക്കുന്നത്.

ധാരാളം ഡേറ്റാ ഉപയോഗിക്കേണ്ടി വരുന്നവര്‍ക്ക് ഉപകാരപ്രദമായ രീതിയിലാണ് കമ്ബനി ബെംഗളൂരുവില്‍ പ്രവര്‍ത്തിക്കുന്നത്. മികച്ച സേവനമാണ് കമ്ബനി നല്‍കുന്നതെന്നാണ് റിപ്പോര്‍ട്ടുകള്‍ പറയുന്നത്. കടകളില്‍ വൈ-ഫൈ റൂട്ടറുകള്‍ ഇന്‍സ്റ്റാള്‍ ചെയ്യക എന്നതാണ് അവരുടെ ഒരു പ്രവര്‍ത്തന രീതി. ഉപയോക്താവ് വെറുതെ വൈഫൈ ഡബ്ബാ നെറ്റ്വര്‍ക്കിലേക്ക് സ്വന്തം വിശദാംശങ്ങള്‍ എന്റര്‍ ചെയ്താല്‍ കണക്ടാകുമെന്നാണ് റിപ്പോര്‍ട്ടുകള്‍ പറയുന്നത്. നിങ്ങള്‍ അവരുടെ പ്ലാനുകളൊന്നുംസബ്സ്‌ക്രൈബ് ചെയ്തിട്ടില്ലെങ്കില്‍ മുകളില്‍ പറഞ്ഞ 1 രൂപയ്ക്ക് 1 ജിബി പ്ലാന്‍ എടുത്ത് പ്രവര്‍ത്തനം വിലയിരുത്താം.

വൈഫൈ ഡബ്ബാ ടോക്കണുകളും എടുക്കാം. കൂടുതല്‍ ഡേറ്റ വേണ്ടപ്പോള്‍ ആവശ്യാനുസരണം വീണ്ടും ചാര്‍ജ് ചെയ്യാം. തങ്ങള്‍ക്ക് 100 ശതമാനം കവറേജ് ലഭിക്കാന്‍ വൈ-ഫൈ ഡബ്ബ തുടങ്ങിയ പരിപാടിയാണ് സൂപ്പര്‍നോഡ്സ് (supern­odes). സൂപ്പര്‍നോഡുകളുടെ ഗ്രിഡുകള്‍ ഫ്ളാറ്റുകള്‍ക്കും ടവറുകള്‍ക്കും ഉയരക്കൂടുതലുള്ള മറ്റു കെട്ടിടങ്ങള്‍ക്കും മുകളില്‍ പിടിപ്പിക്കുന്നു. ഇതിലൂടെ തങ്ങളുടെ സേവനം നഗരത്തിലുള്ള ആര്‍ക്കും പ്രയോജനപ്പെടുത്താമെന്നാണ് കമ്പനി അവകാശപ്പെടുന്നത്.

Eng­lish Sum­ma­ry: Chal­leng­ing offer of wifi dab­ba company

You may be also like this video