സംസ്ഥാനത്തെ സോണുകളിൽ വീണ്ടും മാറ്റം. കണ്ണൂർ, കോട്ടയം ജില്ലകൾ മാത്രമാണ് റെഡ് സോണിൽ ഉൾപ്പെടുത്തിയിരിക്കുന്നത്. ആലപ്പുഴ, എറണാകുളം, തൃശൂർ ജില്ലകൾ ഗ്രീൻ സോണിൽ. ഒൻപതു ജില്ലകളാണ് ഓറഞ്ച് സോണിലുള്ളത്.കാസർഗോഡ്, ഇടുക്കി, കോഴിക്കോട്, കൊല്ലം, പാലക്കാട്, പത്തനംതിട്ട, തിരുവനന്തപുരം, മലപ്പുറം, വയനാട് ജില്ലകളാണ് ഓറഞ്ച് സോണിലുള്ളത്.

സംസ്ഥാനത്ത് ഇന്ന് 2 കോവിഡ് കേസുകൾ റിപ്പോർട്ട് ചെയ്തു. വയനാട്-1, കണ്ണൂർ‑1 എന്നിവടങ്ങളിലാണ് പുതിയ കേസുകൾ റിപ്പോർട്ട് ചെയ്തിരിക്കുന്നത്. സംസ്ഥാനത്ത് എട്ടു പേർ രോഗമുക്തി നേടി. ഇതിൽ ആറ് പേർ കണ്ണൂരിലും രണ്ട് പേർ ഇടുക്കിയിലുമാണ് .ഒരു മാസമായി ഗ്രീൻ സോണിലായിരുന്ന വയനാടിനെ ഓറഞ്ച് സോണിലേയ്ക്ക് മാറ്റേണ്ടി വരുമെന്ന് മുഖ്യമന്ത്രി അറിയിച്ചു .

സംസ്ഥാനത്ത് 96 പേരാണ് ചികിത്സയിലുള്ളത്. 21894 പേർ നിരീക്ഷണത്തിലാണ്. 410 പേർ ആശുപത്രികളിലാണ്. ഇന്ന് 80 പേരെ ആശുപത്രിയിൽ പ്രവേശിപ്പിച്ചു.സംസ്ഥാനത്ത് പുതിയ ഹോട്ട് സ്പോട്ടുകളില്ല. ഇപ്പോൾ 80 ഹോട്ട് സ്പോട്ടുകളാണ് നിലവിൽ ഉള്ളത്. കണ്ണൂരിലാണ് ഏറ്റവും കൂടുതൽ ഹോട്ട് സ്പോട്ടുകളുള്ളത്. 23 മേഖലകളാണ് ഇവിടെ ഹോട്ട് സ്പോട്ട് പട്ടികയിലുള്ളത്. ഇടുക്കിയിലും കോട്ടയത്തും 11 പ്രദേശങ്ങളാണ് ഹോട്ട് സ്പോട്ടിലുള്ളത്.

ENGLISH SUMMARY: changes in covid zones in Kerala