ഐഎസ് ബന്ധം ആരോപിച്ച് മൂന്ന് മലയാളികൾക്കെതിരെ എൻഐഎ കുറ്റപത്രം സമർപ്പിച്ചു. മലപ്പുറം സ്വദേശി ഡോ. മുഹമ്മദ് ആമീൻ, കണ്ണൂർ സ്വദേശി മുഷബ് അൻവർ, കൊല്ലം ഓച്ചിറ മേമന സ്വദേശിയായ ഡോ. റഹീസ് റഷീദ് എന്നിവർക്കെതിരേയാണ് കുറ്റപത്രം. സമൂഹ മാധ്യമങ്ങൾവഴി ഭീകരസംഘടനയായ ഇസ്ലാമിക് സ്റ്റേറ്റിന് അനുകൂലമായി പ്രചാരണം നടത്തി യുവാക്കളെ സംഘടനയിലേക്ക് റിക്രൂട്ട് ചെയ്തെന്ന കുറ്റമാണ് ചുമത്തപ്പെട്ടിരിക്കുന്നത്. വ്യക്തമായ തെളിവ് കണ്ടെത്തിയതിന്റെ അടിസ്ഥാനത്തിലാണ് ഡൽഹി കോടതിയിൽ എൻഐഎ കുറ്റപത്രം സമർപ്പിച്ചത്.
ഐഎസ് ആശയ പ്രചാരണം, ധനസമാഹരണം നടത്തൽ, യുവാക്കളെ റിക്രൂട്ട് ചെയ്യൽ തുടങ്ങിയ കുറ്റങ്ങൾ കണ്ടെത്തിയതായി എൻഐഎ അറിയിച്ചു. പത്തു പേർക്കെതിരെ എൻഐഎ കേസെടുത്തിട്ടുമുണ്ട്. സിറിയയിലും ഇറാക്കിലും ഇസ്ലാമിക് സ്റ്റേറ്റിന്റെ തകർച്ചയ്ക്കുശേഷം സംഘത്തിന്റെ തലവനായ മുഹമ്മദ് ആമീൻ കഴിഞ്ഞ വർഷം മാർച്ചിലാണ് കേരളത്തിലെത്തിയത്. 2020 മാർച്ചിൽ ജമ്മു-കശ്മീർ, ഡൽഹി എന്നിവിടങ്ങളിലും അയാൾ സന്ദർശനം നടത്തിയിരുന്നു. റഹീസിന്റെകൂടി സഹായത്തോടെ കശ്മീരിൽനിന്ന് ധനസമാഹരണവും നടത്തിയതായും എന്‍ഐഎ കണ്ടെത്തി.
english summary;Chargesheet against three Malayalees in IS recruitment
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.