അന്വേഷണാത്മക മാധ്യമ പ്രവര്‍ത്തനം അപ്രത്യക്ഷമാകുന്നു: ചീഫ് ജസ്റ്റിസ്

അന്വേഷണാത്മക മാധ്യമ പ്രവര്‍ത്തനം ഇന്ത്യയിൽ നിന്ന് അപ്രത്യക്ഷമായിക്കൊണ്ടിരിക്കുകയാണെന്നും അടുത്ത കാലത്തായി മാധ്യമങ്ങൾ വലിയ വെളിപ്പെടുത്തലുകളൊന്നും നടത്തിയിട്ടില്ലെന്നും സുപ്രീം കോടതി ചീഫ് ജസ്റ്റിസ് എൻ വി രമണ. മാധ്യമപ്രവർത്തകൻ സുധാകർ റെഡ്ഡി ഉദുമൂലയുടെ പുസ്തകത്തിന്റെ പ്രകാശന ചടങ്ങിൽ സംസാരിക്കവെയാണ് എൻ വി രമണ ഇക്കാര്യം വ്യക്തമാക്കിയത്. 

താൻ ചെറുപ്പം മുതല്‍ അഴിമതികൾ തുറന്നുകാട്ടുന്ന വാർത്തകൾക്കായി ആകാംക്ഷയോടെ കാത്തിരുന്നിട്ടുണ്ടെന്നും, പത്രങ്ങൾ അന്ന് ഒരിക്കലും നിരാശപ്പെടുത്തിയിട്ടില്ലെന്നും രമണ പറഞ്ഞു. പണ്ട് മാധ്യമങ്ങള്‍ എല്ലാ വാര്‍ത്തകളും റിപ്പോര്‍ട്ട് ചെയ്യാറുണ്ടായിരുന്നു. അവരുടെ റിപ്പോർട്ടുകള്‍ കോളിളക്കങ്ങള്‍ സൃഷ്ടിച്ചിരുന്നു.സമീപ വർഷങ്ങളിൽ അത്തരത്തില്‍ ഒന്നോ രണ്ടോ സംഭവങ്ങളെ ഉണ്ടായിട്ടുള്ളൂവെന്നും അദ്ദേഹം പറഞ്ഞു.ഇന്ത്യയിൽ മാധ്യമസ്വാതന്ത്ര്യത്തിന് നിയന്ത്രണം ഏര്‍പ്പെടുത്തിക്കൊണ്ടിരിക്കുന്ന സമയത്താണ് ചീഫ് ജസ്റ്റിസിന്റെ നിരീക്ഷണം എന്നത് ശ്രദ്ധേയമാണ്.
eng­lish sum­ma­ry; Inves­tiga­tive media activ­i­ty dis­ap­pears Chief Justice
you may also like this video;