Web Desk

December 26, 2019, 6:25 pm

സൂര്യഗ്രഹണ സമയത്ത് ഭിന്നശേഷിക്കാരായ കുട്ടികളെ കഴുത്തറ്റം മണ്ണിൽ കുഴിച്ചിട്ടു

Janayugom Online

കൽബുറഗി: അസുഖം മാറുന്നതിനായി ഭിന്നശേഷിക്കാരായ കുട്ടികളെ മണ്ണിനടിയിൽ കുഴിച്ചിട്ടു. സൂര്യഗ്രഹണ സമയത്തും ഇതേ രീതിയിൽ മണ്ണിൽ കുഴിച്ചിടാറുണ്ടെന്നും തലവരെ മണ്ണിൽ കുഴിച്ചിട്ടാൽ കുട്ടികൾ നേരിടുന്ന ശാരീരിക വെല്ലുവിളികളിൽ നിന്ന് രക്ഷനേടാനാകുമെന്നുമാണ് കർണാടകയിലെ കൽബുറഗി ജില്ലയിലുള്ളവർ വിശ്വസിക്കുന്നത്.വലയ സൂര്യഗ്രഹണ സമയത്ത് രാവിലെ എട്ട് മണിമുതൽ11. 5 വരെയാണ് മാതാപിതാക്കൾ ഭിന്നശേഷിക്കാരായ മുന്ന് കുട്ടികളെ തലവരെ മണ്ണിൽ കുഴിച്ചിട്ടത്.

you may also like this video

കൽബുറഗിയിലെ സംഭവം പുറത്തറിഞ്ഞതോടെ ഡെപ്യൂട്ടി കമ്മീഷണർ ഇടപെട്ടു. തഹസീൽദാറുടെ നേതൃത്വത്തിലുള്ള സംഘമെത്തി കുട്ടികളെ ആശുപത്രിയിൽ പ്രവേശിപ്പിച്ചു. കൽബുറഗിയുടെ ‚സമീപപ്രദേശമായ ഐനോളി ഗ്രാമത്തിൽ ഭിന്നശേഷിക്കാരായ നാല് കുട്ടികളെ ഇത്തരത്തിൽ മൂന്ന് മണിക്കൂർ കുഴിച്ചിട്ടതായി വിവരം കിട്ടിയതിനെ തുടർന്ന് മഹിളാ സംഘടനകളും മനുഷ്യാവകാശ പ്രവർത്തകരുമെത്തി തടഞ്ഞതായും റിപ്പോർട്ടുകൾ പുറത്തു വന്നിട്ടുണ്ട്. ഇത്തരം നടപടികൾക്കെതിരെ മാതാപിതാക്കൾക്കെതിരെ കേസെടുത്തിരിക്കുകയാണ്.