Web Desk

കണ്ണൂർ

December 22, 2020, 12:39 pm

കണ്ണൂരിൽ കടലിൽ കാണാതായ കുട്ടികളുടെ മൃതദേഹം കണ്ടെത്തി

Janayugom Online

കണ്ണൂരിൽ കടലിൽ കാണാതായ രണ്ട് കുട്ടികളുടെ മൃതദേഹം കണ്ടെത്തി. തോട്ടടയിൽ കടലിൽ കാണാതായ ആദികടലായി സ്വദേശികളായ മുഹമ്മദ് ഷറഫ് ഫാസിൽ (16), മുഹമ്മദ് റിനാദ്(15) എന്നിവരുടെ മൃതദേഹങ്ങളാണ് കണ്ടെത്തിയത്.

തോട്ടട ബീച്ചിലെ അഴിമുഖത്ത് തിങ്കളാഴ്ച വൈകീട്ട് സുഹൃത്തുക്കൾക്കൊപ്പം ഫുട്ബോൾ കളിക്കുന്നതിനിടെ ഒഴുകിപ്പോയ പന്ത് എടുക്കാൻ വേണ്ടി കടലിൽ ഇറങ്ങിയപ്പോഴാണ് ഇരുവരും അപകടത്തിൽപ്പെട്ടത്.

അഴിമുഖത്തെ ബണ്ട് തിങ്കളാഴ്ച രാവിലെ ജെസിബി ഉപയോഗിച്ച് നീക്കിയതിനാൽ ഈ ഭാഗത്ത് ഒഴുക്ക് കൂടുതലായിരുന്നു.

പൊലീസും ഫയർ ഫോഴ്സും മത്സ്യത്തൊഴിലാളികളും ചേർന്ന് നടത്തിയ തെരച്ചിലിനൊടുവിലാണ് ഇന്ന് രാവിലെ ആയിക്കര ഭാഗത്ത് നിന്ന് മൃതദേഹങ്ങൾ കണ്ടെത്തിയത്. ഇരുവരും പത്താം ക്ലാസ് വിദ്യാർത്ഥികളാണ്.

you may also like this video