Web Desk

February 14, 2020, 10:49 am

കൊറോണ ശൂന്യമാക്കുന്ന തെരുവുകളിലും പ്രണയപുഷ്പങ്ങൾ വിറ്റ് യുവതി, ഒപ്പം ഒരു സമ്മാനവും

Janayugom Online

ബീജിങ്

പടർന്ന് പിടിക്കുന്ന കൊറോണ ഭീതിയ്ക്കിടയിലും പ്രണയദിനം ആഘോഷമാക്കി ചൈന. വാലെന്റൈൻസ് ഡേയിൽ മാസ്ക് ധരിച്ച് പ്രണയപുഷ്പ്പങ്ങൾ വിൽക്കുന്ന ഒരു ചൈനീസ് യുവതിയെയാണ്. സായ് സിയോമന്‍ എന്ന യുവതി തന്റെ പൂക്കൾ വാങ്ങുന്നവർക്ക് കൈകള്‍ കഴുകാനുള്ള ഒരു ചെറിയ കുപ്പി ഹാന്‍ഡ് വാഷും സമ്മാനമായി നൽകുന്നുണ്ട്. കൊറോണ വൈറസ് ബാധ തന്റെ കസ്റ്റമേര്‍സിന് ഉണ്ടാകാതിരിക്കാനണ് ഇങ്ങനെ ചെയ്യുന്നതെന്നാണ് അവർ പറയുന്നത്. ചൈനയെ പിടിച്ചുകുലുക്കിയ കൊറോണ ഇവരുടെ പൂക്കച്ചവടത്തെ കാര്യമായി തന്നെ ബാധിച്ചിട്ടുണ്ട്.

എല്ലാ വർഷത്തെയും വാലെന്റൈൻസ് ഡേ ദിനത്തിൽ ഏറ്റവും തിരിക്കുണ്ടാവാറുണ്ടായിരുന്ന തെരുവുകൾ പലതും വിജനമായി കിടക്കുകയാണ്. പ്രണയിതാക്കൾ ഒന്ന് നേരിട്ട് കാണുവാൻ പോലും പറ്റാത്ത അവസ്ഥയിലാണ്. ഭീതിയോടെ ഈ ഒരു പ്രണയദിനം കൂടി കടന്ന് പോകുമ്പോൾ സ്വന്തം ഉറ്റവർക്കും ഉടയവർക്കും വേണ്ടി പ്രാർത്ഥിക്കുകയാണ് ചൈനീസ് ജനത.

you may also like this video;