Web Desk

വയനാട്

March 29, 2020, 3:02 pm

നിരോധനാജ്ഞ ലംഘിച്ച് കൂട്ടപ്രാർത്ഥന; വൈദികനും കന്യാസ‌്ത്രീകളുമടക്കം 10 പേർ അറസ്റ്റിൽ

Janayugom Online

വയനാട് മാനന്തവാടിയിൽ നിരോധനാജ്ഞ ലംഘിച്ച് കുർബാന നടത്തിയ വൈദികനും കന്യാസ്ത്രീകളുമടക്കം പത്തു പേരെ പൊലീസ് അറസ്റ്റ് ചെയ്തു. മാനന്തവാടി വേമത്തെ മിഷനറീസ് ഓഫ് ഫെയ്ത്ത് മൈനർ സെമിനാരിയിലാണ് കൂട്ടപ്രാർത്ഥന നടത്തിയത്. നിരോധാജ്ഞ ലംഘിച്ച് കൂട്ടമായി രോഗവ്യാപനത്തിന് കാരണമാകുന്ന തരത്തിൽ പ്രാർത്ഥന നടത്തിയതിനെ തുടർന്നാണ് അറസ്റ്റ്.

ഞായറാഴ്ച രാവിലെ എട്ട് മണിയോടെയായിരുന്നു സംഭവം. പ്രാർത്ഥന നടക്കുന്ന വിവരമറിഞ്ഞെത്തിയ പൊലീസ് ഇവരെ അറസ്റ്റ് ചെയ്യുകയായിരുന്നു. രണ്ട് കന്യാസ്ത്രികളും, രണ്ട് വൈദികരും അടക്കം 10 പേർക്കെതിരെയാണ് കേസെടുത്തത്. എല്ലാവരെയും പിന്നീട് സ്റ്റേഷൻ ജാമ്യത്തിൽ വിട്ടു. ഇവർക്കെതിരെ എപിഡെമിക്ക് ഡിസീസ് ഓർഡിനൻസ് 2020 പ്രകാരം നടപടി സ്വീകരിക്കുമെന്നും പൊലീസ് പറഞ്ഞു.

ENGLISH SUMMARY: chris­t­ian priests and nuns were arrest­ed for vio­lat­ing lock down

YOU MAY ALSO LIKE THIS VIDEO