Web Desk

February 27, 2020, 10:09 am

കനാലില്‍ കണ്ടെത്തിയ മൃതദേഹം കരയ്ക്കെത്തിക്കാന്‍ ചോദിച്ചത് അന്യായ കൂലി; യൂണിഫോം അഴിച്ച്‌ കനാലില്‍ ഇറങ്ങി സിഐ: സംഭവം പത്തനാപുരത്ത്‌

Janayugom Online

മൃതദേഹം പുറത്തെടുക്കാൻ തൊഴിലാളി 2,000 രൂപ കൂലി ചോദിച്ചു. ഒടുവിൽ സി. ഐ. തന്നെ കനാലിൽച്ചാടി മൃതദേഹം പുറത്തെടുത്തു. കനാലിൽ നിന്ന് മൃതദേഹം പുറത്തെടുക്കാൻ സഹായം ലഭിക്കാതെ വന്നതോടെയാണ് കരയ്ക്കെത്തിക്കാൻ സർക്കിൾ ഇൻസ്പെക്ടർ നേരിട്ട് വെള്ളത്തിലിറങ്ങിയത്. ത്തനാപുരം സിഐ അൻവറാണ് വെള്ളത്തിലിറങ്ങി മൃതദേഹം കരയ്ക്കെത്തിച്ചത്. ഇതോടെ സാമൂഹിക മാധ്യമങ്ങളിൽ സിഐ ഇപ്പോൾ താരമായി മാറിയിക്കുകയാണ്.

കെഐപി വലതുകര കനാലിന്റെ വാഴപ്പാറ അരിപ്പയ്ക്ക് സമീപം ഇന്നലെ വൈകീട്ടാണ് അജ്ഞാത മൃതദേഹം കണ്ടെത്തിയത്. പത്തടിയിലധികം വെള്ളമൊഴുകുന്ന കനാലിലിറങ്ങി മൃതദേഹം കരയ്ക്ക് എടുക്കാൻ നാട്ടുകാരിൽ ആരും തയ്യാറായില്ല. തുടർന്ന് കനാൽ വൃത്തിയാക്കുന്ന കരാർ തൊഴിലാളികളുടെ സഹായം തേടി. എന്നാൽ ഇവർ പൊലീസിനോട് രണ്ടായിരം രൂപ കൂലി ആവശ്യപ്പെട്ടു. ഇതോടെയാണ് പത്തനാപുരം സിഐ അൻവർ യൂണിഫോം അഴിച്ചുവച്ച് കനാലിൽ ഇറങ്ങി മൃതദേഹം കരയ്ക്കെത്തിച്ചത്. മാങ്കോട് തേൻകുടിച്ചാൽ സ്വദേശി ദിവാകരന്റേ (79)താണ് മൃതദേഹമെന്ന് തിരിച്ചറിഞ്ഞു.

Eng­lish sum­ma­ry: ci star in social media

you may also like this video