ഫോ​ർ​ട്ട്വാ​ലി (ജോ​ർ​ജി​യ)

പി ​പി ചെ​റി​യാ​ൻ

February 21, 2020, 12:30 pm

പ്രണയദിനത്തിൽ കാ​ണാ​താ​യ കോ​ള​ജ് വി​ദ്യാ​ർ​ഥി​നി മ​രി​ച്ച നി​ല​യി​ൽ; കാ​മു​ക​ൻ അറസ്റ്റിൽ

Janayugom Online

ഫെ​ബ്രു​വ​രി 14 വെ​ള്ളി​യാ​ഴ്ച മു​ത​ൽ കാ​ണാ​താ​യ ഫോ​ർ​ട്ട്വാ​ലി സ്റ്റേ​റ്റ് യൂ​ണി​വേ​ഴ്സി​റ്റി സീ​നി​യ​ർ വി​ദ്യാ​ർ​ഥി​നി അ​നി​ത്ര ഗു​നി​ന്റെ (23) മൃ​ത​ദേ​ഹം ത്രോ​ഫോ​ർ​ട്ട് കൗ​ണ്ടി റോ​ഡി​ൽ മരങ്ങൾ തിങ്ങിനിറ‍ഞ്ഞു നിൽക്കുന്ന സ്ഥ​ല​ത്തു നി​ന്നും ക​ണ്ടെ​ത്തി. ചുള്ളുകമ്പു​ക​ൾ കൊ​ണ്ട് മൂ​ടിയ നി​ല​യി​ലാ​യി​രു​ന്നു മൃ​ത​ദേ​ഹ​മെ​ന്ന് ഫോ​ർ​ട്ട്വാ​ലി പോ​ലീ​സ് പ​റ​ഞ്ഞു. കഴിഞ്ഞ 18 ന് ഉ​ച്ചയോടെയാണ് ​മൃ​ത​ദേ​ഹം ക​ണ്ടെ​ത്തി​യ​ത്. സംഭവത്തെ തുടർന്ന് അ​നി​ത്ര​യു​ടെ കാ​മു​ക​ൻ ഡി​മാ​ർ​ക്ക​സ് ലി​റ്റി​ലി​നെ (23) പൊലീസ് അ​റ​സ്റ്റ് ചെയ്തു.

സൗ​ത്ത് ഫ​ൾ​ട്ട​ൺ കൗ​ണ്ടി വെ​സ്റ്റ് ലേ​ക്ക് ഹൈ​സ്കൂ​ളി​ൽ നി​ന്നും വി​ദ്യാ​ഭ്യാ​സം പൂ​ർ​ത്തീ​ക​രി​ച്ച്, അ​ഗ്രി​ക​ൾ​ച്ച​ർ മേ​ജ​റാ​യി സ്റ്റേ​റ്റ് യൂ​ണി​വേ​ഴ്സി​റ്റി​യി​ൽ ബി​രു​ദ​പ​ഠ​നം ന​ട​ത്തി​വ​രി​ക​യാ​യി​രു​ന്നു അ​നി​ത്ര. ലോ​ക പ്ര​ണ​യ​ദി​ന​ത്തി​ലാ​ണ് അ​വ​സാ​ന​മാ​യി അ​നി​ത്ര ആ​ശം​സ​ക​ൾ അ​റി​യി​ച്ച​ത്. പി​താ​വി​ന് ദി​വ​സ​ത്തി​ൽ ഇ​ട​യ്ക്കി​ടെ ഫോ​ൺ സ​ന്ദേ​ശം അ​യ​ക്കു​ന്ന പ​തി​വു​ള്ള അ​നി​ത്ര​യു​ടെ സ​ന്ദേ​ശം ഏറെ നേരമായിട്ടും ല​ഭി​ക്കാ​തി​രു​ന്ന​തി​നെ തു​ട​ർ​ന്ന് നടത്തിയ ​അ​ന്വേ​ഷ​ണത്തിലാണ് മൃ​ത​ദേ​ഹം കണ്ടെത്തിയത്. അ​നി​ത്ര​യു​ടെ മ​ര​ണ​ത്തെ​കു​റി​ച്ച് പോ​ലീ​സ് കൂടുതൽ അ​ന്വേ​ഷ​ണം ആരംഭിച്ചിട്ടുണ്ട്.

YOU MAY ALSO LIKE THIS VIDEO