Web Desk

ന്യൂഡൽഹി:

March 18, 2020, 10:29 pm

ധോണി ടീമിലേക്ക് മടങ്ങിവരാനുളള സാധ്യതയില്ല: സേവാഗ്

Janayugom Online

എം എസ് ധോണി ഇന്ത്യൻ ടീമിലേക്ക് മടങ്ങിവരാനുളള സാധ്യത വളരെ കുറവാണെന്ന് മുൻ ഇന്ത്യൻ താരം കൂടിയായ വീരേന്ദർ സേവാഗ്. ധോണിയുടെ അസാന്നിധ്യം പരിഹരിക്കുന്നതിനുള്ള മാർഗങ്ങൾ സെലക്ടർമാർ കണ്ടെത്തിക്കഴിഞ്ഞതായും ധോണി ടീമിലേക്കു മടങ്ങിയെത്തുമെന്നു കരുതുന്നില്ലെന്നും സേവാഗ് തുറന്നടിച്ചു. നിലവിലെ സാഹചര്യത്തില്‍ കെ എല്‍ രാഹുലും റിഷഭ് പന്തും ഫോമിലുള്ളപ്പോള്‍ ധോണിയെ ഇനി എവിടെ ഉള്‍ക്കൊള്ളിക്കാനാകുമെന്ന് സെവാഗ് ചോദിച്ചു.

കരിയറിലെ ഏറ്റവും മികച്ച ഫോമിലാണ് രാഹുല്‍ ഇപ്പോഴുള്ളത്. അതിനാല്‍ തന്നെ ധോണിക്ക് ഇനിയൊരു മടങ്ങിവരവ് സാധ്യമാകുമെന്ന് തോന്നുന്നില്ലെന്നും സെവാഗ് ചൂണ്ടിക്കാട്ടി. ന്യൂസിലൻഡ് പര്യടനത്തിൽ ഇന്ത്യൻ ക്യാപ്റ്റൻ വിരാട് കോലി തീർത്തും നിറംമങ്ങിയത് വലിയ കാര്യമല്ലെന്നും സേവാഗ് ചൂണ്ടിക്കാട്ടി. ലോകം കണ്ട ഏറ്റവും മികച്ച താരങ്ങളുടെയെല്ലാം കരിയറിൽ ഇത്തരം തിരിച്ചിറക്കങ്ങൾ സംഭവിച്ചിട്ടുണ്ട്. സച്ചിൻ ടെണ്ടുൽക്കർ, സ്റ്റീവ് വോ, ജാക്വസ് കാലിസ്, റിക്കി പോണ്ടിങ് തുടങ്ങിയവരുടെ ഉദാഹരണങ്ങളും സേവാഗ് എടുത്തുകാട്ടി. ഇത്തവണത്തെ ട്വന്റി20 ലോകകപ്പിൽ കിരീടസാധ്യത പ്രവചിക്കാൻ ബുദ്ധിമുട്ടാണെന്നും സേവാഗ് അഭിപ്രായപ്പെട്ടു. ട്വന്റി20 ക്രിക്കറ്റിൽ പൊതുവെ പ്രവചനങ്ങൾ അസാധ്യമാണ്. ഒരു ടീമിനും കിരീട സാധ്യത പ്രത്യേകം എടുത്തുപറയാനാകില്ല. ഈ ഫോർമാറ്റിന്റെ പ്രത്യേകതയാണത്. ഫോമിലുള്ള ഒറ്റ കളിക്കാരന് കളിയുടെ ഫലം തന്നെ മാറ്റിമറിക്കാനാകുമെന്നും സേവാഗ് ചൂണ്ടിക്കാട്ടി.

ENGLISH SUMMARY: come­back of dhoni to team is impossible

YOU MAY ALSO LIKE THIS VIDEO