29 March 2024, Friday

Related news

November 15, 2023
November 8, 2023
October 11, 2023
September 1, 2023
September 1, 2023
August 24, 2023
August 17, 2023
August 1, 2023
July 13, 2023
July 10, 2023

തൊഴിലാളികളെ പ്രക്ഷോഭകാരികളാക്കിയത് കമ്മ്യുണിസ്റ്റുകാർ പകർന്ന ഊർജ്ജം : മന്ത്രി പി പ്രസാദ്

Janayugom Webdesk
ആലപ്പുഴ
March 27, 2022 2:56 pm

തിരുവിതാംകൂറിൽ തൊഴിലാളികളെ അവഗണിക്കപ്പെട്ടവരായി കണ്ടപ്പോൾ അതിനെതിരായ പ്രക്ഷോഭങ്ങളിൽ അവർക്ക് ഊർജ്ജം പകർന്ന് നൽകിയത് കമ്മ്യുണിസ്റ്റുകാരായിരുന്നുവെന്ന് കൃഷി മന്ത്രി പി പ്രസാദ് പറഞ്ഞു . തിരുവിതാംകൂർ കയർ ഫാക്ടറി വർക്കേഴ്സ് യൂണിയ (എഐടിയുസി) ന്റെ ബിസിനസ് സമ്മേളനം ടി പുരുഷോത്തമന്‍ നഗറില്‍ ഉദ്ഘാടനം ചെയ്യുകയായിരുന്നു അദ്ദേഹം .

തൊഴിലാളികളുടെ നേതൃത്വത്തിൽ തിരുവിതാംകൂറിൽ നിയമ ലംഘന സമരങ്ങളുടെ വേലിയേറ്റം തന്നെ അന്നുണ്ടായി , എല്ലാത്തിനും അതീതമായി തൊഴിലാളികൾ അവരുടെ ഐക്യത്തെ പ്രധാനമായി കണ്ടു . സങ്കുചിത ചിന്തകളുടെ തടവറയിലല്ല തങ്ങൾ ജീവിക്കേണ്ടതെന്ന് തൊഴിലാളികൾ തെളിയിച്ചു . ചരിത്രത്തെ പോലും മാറ്റിനിർത്താനുള്ള നീക്കങ്ങളാണ് സംഘപരിവാർ നടത്തുന്നത് . ചരിത്ര ഗവേഷണ കൗൺസിലിൽ ഉൾപ്പടെയുള്ളവർ ഇതിന് ഒത്താശ ചെയ്യുകയാണെന്നും മന്ത്രി കൂട്ടിച്ചേർത്തു . ജന വിരുദ്ധ നയങ്ങളുടെ ഘോഷയാത്രയാണ് കേന്ദ്ര ഭരണത്തിന് കീഴിൽ നടക്കുന്നത് . കേന്ദ്ര സർക്കാരിന്റെ കിരാത നിയമങ്ങൾക്കെതിരെയുള്ള തൊഴിലാളികളുടെ പണിമുടക്ക് ചരിത്രമാകുമെന്നും പി പ്രസാദ് പറഞ്ഞു .

യൂണിയൻ വൈസ് പ്രസിഡന്റ് പി ജ്യോതിസ് പതാകയുയർത്തി . രക്തസാക്ഷി , അനുശോചന പ്രമേയങ്ങൾ സെക്രട്ടറി കെ എസ് വാസൻ അവതരിപ്പിച്ചു . യൂണിയൻ വൈസ് പ്രസിഡന്റ് ടി ജെ ആഞ്ചലോസ് അധ്യക്ഷനായി . ജനറല്‍ സെക്രട്ടറി പി വി സത്യനേശന്‍ പ്രവര്‍ത്തന റിപ്പോര്‍ട്ട് അവതരിപ്പിച്ചു . ഭാവി പ്രവര്‍ത്തന പരിപാടി ആര്‍ സുരേഷും ബജറ്റ് എം ഡി വാമദേവനും പ്രമേയങ്ങള്‍ ടി സി സോമിനിയും അവതരിപ്പിചു . ദീപ്‌തി അജയകുമാർ , വി മോഹന്‍ദാസ്, എന്‍ പി കമലാധരന്‍, വി പി ചിദംബരന്‍, വി സി മധു, ആർ അനിൽകുമാർ , പി എസ് എം ഹുസൈൻ , പി പി ഗീത , പി കെ സദാശിവന്‍പിള്ള, ഡി പി മധു, പി യു അബ്ദുള്‍കലാം, പി ജി രാധാകൃഷ്ണന്‍, ആര്‍ പ്രദീപ്, എ എം ഷിറാസ്, സി പുരുഷന്‍, കെ പി പുഷ്ക്കരന്‍, സി വാമദേവ്, വി എന്‍ ഷാജി, പി സുരേന്ദ്രൻ , ആർ ജയസിംഹൻ എന്നിവര്‍ സംസാരിച്ചു . ബി നസീര്‍ നന്ദി പറഞ്ഞു .

eng­lish summary;Communists’ dri­ve to turn work­ers into agi­ta­tors: Min­is­ter P Prasad

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.