കൊറേഗാവ് കേസ് എൻഐഎയ്ക്ക് വിട്ട തീരുമാനം പിൻവലിക്കണം: സിപിഐ

Web Desk

ന്യൂഡൽഹി

Posted on January 27, 2020, 10:59 pm

പൂനെ പൊലീസ് അന്വേഷിക്കുന്ന ഭീമാ കൊറേഗാവ് കേസ് ദേശീയ അന്വേഷണ ഏജൻസിക്ക് കൈമാറാനുള്ള മോഡി സർക്കാരിന്റെ തീരുമാനത്തിൽ സിപിഐ ദേശീയ സെക്രട്ടേറിയറ്റ് ഉത്ക്കണ്ഠ രേഖപ്പെടുത്തി. നേരത്തെ മഹാരാഷ്ട്രയിൽ അധികാരത്തിലിരുന്ന ബിജെപി സർക്കാരിന്റെ തെറ്റായ തീരുമാനങ്ങളെ മറച്ചുവയ്ക്കാനാണ് കേസ് എൻഐഎയ്ക്ക് കൈമാറിയിരിക്കുന്നത്. കഴിഞ്ഞ സർക്കാരിന്റെ കാലത്ത് പൂനെ പൊലീസിന്റെ അന്വേഷണം കുറ്റമറ്റതാണെന്ന് എൻഐഎ ക്ലീൻചിറ്റ് നൽകിയിരുന്നു. കേസ് എൻഐഎയെ ഏൽപ്പിച്ച കേന്ദ്ര സർക്കാർ തീരുമാനം അടിയന്തരമായി പിൻവലിക്കണം. നീതി ഉറപ്പാക്കുന്നതിന് സംസ്ഥാന സർക്കാർ വീണ്ടും അന്വേഷണം നടത്തണം. രാഷ്ട്രീയ നേട്ടങ്ങൾക്കായി ദേശീയ അന്വേഷണ ഏജൻസിയെ ഉപകരണമാക്കുന്ന കേന്ദ്ര സർക്കാർ നടപടിയെ സിപിഐ ദേശീയ സെക്രട്ടേറിയറ്റ് ശക്തമായി അപലപിക്കുന്നതായും പ്രസ്താവനന അറിയിച്ചു.

Eng­lish sum­ma­ry: Core­gaon case:the deci­sion to han­dover the case to NIA should be with­drawn: CPI

YOU MAY ALSO LIKE THIS VIDEO