Web Desk

ന്യൂഡല്‍ഹി

March 20, 2020, 9:24 am

കൊറോണ: റദ്ദാക്കിയ തീവണ്ടികളില്‍ ടിക്കറ്റ് ബുക്ക് ചെയ്തവര്‍ക്ക് മുഴുവൻ തുകയും മടക്കിനല്‍കും

Janayugom Online

കേരളത്തിലൂടെ ഓടുന്ന ഏഴ് ട്രെയിൻ ഉൾപ്പടെ  84 തീവണ്ടികള്‍കൂടി റദ്ദാക്കിയതോടെ കൊറോണയുടെ പശ്ചാത്തലത്തില്‍ ആകെ റദ്ദാക്കിയ തീവണ്ടികളുടെ എണ്ണം 155 ആയി. റദ്ദാക്കിയവയില്‍ ടിക്കറ്റ് ബുക്ക് ചെയ്തവരില്‍നിന്ന് റദ്ദാക്കല്‍ നിരക്ക് ഈടാക്കില്ല. ടിക്കറ്റ് തുക 100 ശതമാനവും തിരിച്ചുനല്‍കുമെന്ന് റെയില്‍വേ അധികൃതര്‍ പറഞ്ഞു.

മുംബൈഅഹമ്മദാബാദ്, ന്യൂഡല്‍ഹി ലഖ്‌നൗ എന്നീ റൂട്ടുകളില്‍ ഓടുന്ന തേജസ്സ് തീവണ്ടികള്‍, ഇന്ദോര്‍വാരാണസി ഹംസഫര്‍ എക്‌സ്പ്രസ്, വിനോദസഞ്ചാര തീവണ്ടികളായ മഹാരാജ, ബുദ്ധ, ഭാരത് ദര്‍ശന്‍ എന്നിവ കഴിഞ്ഞദിവസങ്ങളില്‍ റദ്ദാക്കിയവയില്‍ ഉള്‍പ്പെടും.

കൊല്ലം പുനലൂര്‍ റൂട്ടിലോടുന്ന രണ്ടു പാസഞ്ചര്‍ തീവണ്ടികള്‍, ചെങ്കോട്ടകൊല്ലം പാസഞ്ചര്‍ തീവണ്ടി, എറണാകുളംഹൈദരാബാദ് പ്രതിവാര എക്‌സ്പ്രസ്, എറണാകുളത്തുനിന്ന് രാമേശ്വരം, വേളാങ്കണ്ണി എന്നിവിടങ്ങളിലേക്കുള്ള പ്രത്യേക തീവണ്ടികള്‍, കോയമ്ബത്തൂരില്‍നിന്ന് ഷൊര്‍ണൂര്‍, മംഗലാപുരം വഴി ജബല്‍പുരിലേക്കുള്ള പ്രത്യേക തീവണ്ടികളും റദ്ദാക്കിയിരുന്നു.

Eng­lish sum­ma­ry: Coro­na: All booked tick­ets can­celed will be refunded

you may also like this video