കൊറോണ വൈറസിന്റെ പേരില്‍ വ്യാജ സന്ദേശം പരത്തുന്നവര്‍ക്കെതിരെ പൊലീസ് നടപടി കര്‍ശനമാക്കി. കൊറോണ വൈറസ് സംബന്ധിച്ച് ആരോഗ്യവകുപ്പിന്റെ പേരില്‍ ഹെലികോപ്ടറില്‍ വാക്‌സിന്‍ വിഷപദാര്‍ത്ഥം തളിക്കുന്നുവെന്ന് സോഷ്യല്‍ മീഡിയ വഴി വ്യാജ സന്ദേശം പരത്തിയ ഒരാളെ പൊലീസ് അറസ്റ്റ് ചെയ്തു. മുഴുപ്പിലങ്ങാടി സ്വദേശി ഷാന ഷെരീഫിനെയാണ് എടക്കാട് പോലീസ് ക്രൈം നമ്പര്‍ 135/2020 പ്രകാരം അറസ്റ്റ് ചെയ്തത്.
കഴിഞ്ഞ ദിവസമാണ് കണ്ണൂര്‍ ജില്ലയിലുള്‍പ്പെടെ പലയിടങ്ങളില്‍ രാത്രി 12 മണി മുതല്‍ രാത്രി മൂന്ന് മണിവരെ ഹെലികോപ്റ്ററില്‍ മീഥൈന്‍ വാക്‌സിന്‍ എന്ന വിഷപദാര്‍ത്ഥം തളിക്കുന്നുണ്ടെന്ന തരത്തില്‍ സമൂഹ്യ മാധ്യമങ്ങള്‍ വഴി ശബ്ദ സന്ദേശം പ്രചരിച്ചത്. എന്നാല്‍ ശബ്ദ സന്ദേശം വ്യാജമാണെന്നും ജനങ്ങള്‍ പരിഭ്രാന്തരാകേണ്ടതില്ലെന്നും കണ്ണൂര്‍ ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. കെ നാരായണ നായ്ക് വ്യക്തമാക്കിയിരുന്നു. വ്യാജ ശബ്ദസന്ദേശം തയ്യാറാക്കിയവര്‍ക്കും പ്രചരിപ്പിച്ചവര്‍ക്കുമെതിരെ നിയമനടപടികള്‍ സ്വീകരിക്കുന്നതിനായി ജില്ലാ പോലീസ് മേധാവിക്ക് പരാതി നല്‍കിയിട്ടുണ്ടെന്നും അദ്ദേഹം വ്യക്തമാക്കിരുന്നു.
English Summary; corona fake news, Muzhappilangadi native arrested
YOU MAY ALSO LIKE THIS VIDEO
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.