കൊറോണ വൈറസ് പടർന്നു പിടിക്കുന്ന സാഹചര്യത്തിൽ കൊള്ള ലാഭം ഈടാക്കുകയാണ് പല മേഖലകളിലും. സർജിക്കൽ മാസ്ക്കുകൾക്ക് സാധാരണയായി 25 രൂപ മുതൽ 100 രൂപവരെയാണ് വില. എന്നാൽ ഇപ്പോൾ ഇതിന് ഒറ്റയടിക്ക് 200 രൂപയാണ് പല മെഡിക്കൽ സ്റ്റോറുകളിലും ഈടാക്കുന്നത്. കേരളത്തിൽ മാത്രമല്ല പുറത്തും ഇതു തന്നെയാണ് സ്ഥിതി. പല വിധത്തിലുള്ള മാസ്കുകൾ വിപണിയിൽ ലഭ്യമാണ്. വൈറസ്, ഇൻഫെക്ഷൻ തുടങ്ങിയവയെ പ്രതിരോധിക്കുന്നവയാണ് മാസ്കുകൾ. കൊറോണ വൈറസ് ബാധയെ പ്രതിരോധിക്കുന്നതിനായി മുൻകരുതൽ എന്ന നിയ്ക്കാണ് മാസ്കുകൾ ഉപയോഗിക്കാൻ ആരോഗ്യ വകുപ്പുൾപ്പെടെ നിർദേശം നൽകിയിരിക്കുന്നത്. എന്നാൽ ഇത് മുതലെടുക്കുകയാണ് ഇപ്പോൾ.

മാസ്കുകളുടെ കാര്യത്തിൽ മാത്രമല്ല ഈ സ്ഥിതി. സോപ്പും സാനിറ്റൈസറും ഉപയോഗിച്ച് കൈ കഴുകുന്നത് കൊറോണയെ പ്രതിരോധിക്കാൻ സഹായിക്കുമെന്ന് ആരോഗ്യ വിദഗ്ധർ നിർദ്ദേശം നൽകിയതിനെ തുടർന്ന് ഇവയുടെ വിലയും ഇ കൊമേഴ്സ് സ്ഥാപനങ്ങൾ പല മടങ്ങ് കൂട്ടിയാണ് ഈടാക്കുന്നതെന്ന ആക്ഷേപവും ഉയരുന്നുണ്ട്. 30 മില്ലി ലിറ്ററിന്റെ സാനിറ്റൈസർ ബോട്ടിലിന് ഫ്ലിപ്കാർട്ടിൽ 16 മടങ്ങ് വിലയാണ് ഈടാക്കുന്നതെന്ന് ദേശീയ മാധ്യമം റിപ്പോർട്ട് ചെയ്തിരുന്നു.

English Summary: corona mask price hike