കൊറോണയെ തുടർന്ന് അങ്കണവാടികൾ അടച്ചിടും: കുട്ടികൾക്കുള്ള ഭക്ഷണം വീട്ടിലെത്തിക്കുമെന്ന് മുഖ്യമന്ത്രി

സംസ്ഥാനത്ത് കൊറോണ വൈറസ് മൂലം അതീവ ജാഗ്രത നിര്‍ദേശം തുടരുകയാണ്. അങ്കണവാടികള്‍ അടച്ചിടുമ്പോള്‍ കുട്ടികള്‍ക്ക് ഭക്ഷണം വീട്ടിലെത്തിച്ച്‌ കൊടുക്കുമെന്ന് മുഖ്യമന്ത്രി വ്യക്തമാക്കി. കൂടാതെ രോഗബാധ സംശയിച്ച്‌ വീടുകളില്‍ നിരീക്ഷണത്തില്‍ കഴിയുന്നവര്‍ക്കും ഭക്ഷണം സര്‍ക്കാര്‍ എത്തിച്ചു നല്‍കുമെന്നും മുഖ്യമന്ത്രി പറഞ്ഞു. എല്ലാതരം ഉത്സവങ്ങളും പള്ളിപ്പെരുന്നാളുകളും അതുപോലുള്ള മറ്റ് പരിപാടികളും ഒഴിവാക്കാനും അവ ചടങ്ങുകള്‍ മാത്രമായി നടത്താനും നിര്‍ദ്ദേശിച്ചിട്ടുണ്ട്.

ഏറ്റവുമൊടുവിലത്തെ കണക്കനുസരിച്ച് 1116 പേർ നിരീക്ഷണത്തിലാണ്. ഇവരിൽ 967 പേർ വീടുകളിലാണുള്ളത്. 149 പേർ ആശുപത്രികളിലുമുണ്ട്. സംശയിക്കുന്ന 807 സാമ്പിളുകൾ പരിശോധനയ്ക്കയച്ചിരുന്നു. അതിൻ 717 റിപ്പോർട്ടുകളിലും ഫലം നെഗറ്റീവായിട്ടാണ് വന്നിട്ടുള്ളത്. ഇന്നത്തെ സാഹചര്യത്തിൽ ഇന്റർനെറ്റ് ഉപയോഗിച്ചിട്ടുള്ള പ്രവർത്തനങ്ങൾ കൂടുതലാണ്. ഈ സാഹചര്യം കണക്കിലെടുത്ത് ഇന്റർനെറ്റ് ശൃംഖല ശക്തിപ്പെടുത്താനും മുടക്കമില്ലാതെ ഇന്റർനെറ്റ് കിട്ടാനും ആവശ്യമായ നടപടി സ്വീകരിക്കുമെന്നും മുഖ്യമന്ത്രി അറിയിച്ചു.

Eng­lish Sum­ma­ry: coro­na pre­cau­tion followup

You may also like this video