Web Desk

പത്തനംതിട്ട

March 13, 2020, 9:12 am

കൊറോണ; പത്തനംതിട്ടയിൽ മൂന്ന് പേർ കൂടി ഐസൊലേഷനിൽ

Janayugom Online

പത്തനംതിട്ടയിൽ പുതിയ മൂന്ന് പേരെ ഐസൊലേഷൻ വാർഡിൽ പ്രവേശിപ്പിച്ചു. 12 പേരുടെ സാമ്പിൾ പരിശോധന ഫലം ഇന്ന് ലഭിക്കും. ഇതിൽ അഞ്ച് പേർ ഹൈ റിസ്ക് പട്ടികയിൽ ഉൾപ്പെട്ടവരാണെന്ന് പത്തനംതിട്ട കലക്ടർ വ്യക്തമാക്കി.

അതേസമയം കണ്ണൂരിലും തൃശൂരിലും കോവിഡ് സ്ഥിരീകരിച്ചവരുടെ ആരോഗ്യനില തൃപ്തികരമാണ്. പത്തനംതിട്ട സ്വദേശികള്‍ സഞ്ചരിച്ച ഫ്ളൈറ്റിലാണ് ഖത്തറില്‍ നിന്ന് തൃശൂര്‍ സ്വദേശിയായ യുവാവ് നെടുമ്പാശേരിയില്‍ ഇറങ്ങിയത്. കഴിഞ്ഞ എട്ടാം തിയതി മുതല്‍ തൃശൂര്‍ ജില്ലാ ആശുപത്രി ഐസോലേഷന്‍ വാര്‍ഡില്‍ കഴിയുകയാണ്. അതേ ഫ്ളൈറ്റിലുണ്ടായിരുന്ന പതിനൊന്നു പേരാണ് തൃശൂരിലുള്ളത്. ഇവരും ഐസലേഷന്‍ വാര്‍ഡില്‍ നിരീക്ഷണത്തിലാണ്. കണ്ണൂരില്‍ കോവി‍ഡ് 19 സ്ഥിരീകരിച്ചയാള്‍ പരിയാരം സര്‍ക്കാര്‍ മെഡിക്കല്‍ കോളേജിലെ ഐസലേഷന്‍ വാര്‍ഡിലാണ്.

YOU MAY ALSO LIKE THIS VIDEO