ജില്ലകൾ അടച്ചുപൂട്ടില്ലെന്ന് മുഖ്യമന്ത്രി; നിയന്ത്രണങ്ങൾ തുടരും

കേരളത്തിലെ ഏഴു ജില്ലകൾ പൂർണ്ണമായി അടച്ചിടാൻ തീരുമാനിച്ചുവെന്ന വാർത്ത വാസ്തവ വിരുദ്ധമെന്ന് മുഖ്യമന്ത്രിയുടെ ഓഫീസ് അറിയിച്ചു. കേരളത്തിലെ ഏഴു ജില്ലകളിലും പുതുതായി ഒരു നിയന്ത്രണവും ഏർപ്പെടുത്തുന്നതിന് സംസ്ഥാന സർക്കാർ തീരുമാനിച്ചിട്ടില്ല. എന്നാൽ നേരത്തെ ഏർപ്പെടുത്തിയിട്ടുള്ള നിയന്ത്രണങ്ങൾ കർശനമായി പാലിക്കുന്നതിനുള്ള നിർദേശങ്ങൾ നൽകിയിട്ടുമുണ്ട്.കാസർഗോഡ് ജില്ലയിലെ പ്രത്യേക സാഹചര്യം കണക്കിലെടുത്ത് കൂടുതൽ നിയന്ത്രണങ്ങൾ ഏർപ്പെടുത്തുന്നതിനുള്ള നടപടികൾ സ്വീകരിക്കുമെന്നും മുഖ്യമന്ത്രി വാർത്ത കുറിപ്പിൽ നിർദേശിച്ചു.

കൊറോണ വൈറസ് വ്യാപനം തടയുന്നതിന്റെ ഭാഗമായി കേന്ദ്രസർക്കാർ 75 ജില്ലകൾ അടച്ചിടാനാണ് സംസ്ഥാനങ്ങളോട് നിർദേശിച്ചത്. ഇതിൽ കേരളത്തിൽ നിന്നുള്ള ഏഴു ജില്ലകളും ഉൾപ്പെടുന്നുണ്ട്. ഈ ജില്ലകൾ അടച്ചിടാൻ പോകുന്നു എന്ന വാർത്തയുടെ പശ്ചാത്തലത്തിലാണ മുഖ്യമന്ത്രിയുടെ ഓഫീസിന്റെ പ്രതികരണം. വൈറസ് ബാധ സ്ഥിരീകരിച്ച തിരുവനന്തപുരം, പത്തനംതിട്ട, കോട്ടയം, എറണാകുളം, മലപ്പുറം, കണ്ണൂർ, കാസർഗോഡ്, ജില്ലകൾ അടച്ചിടാനാണ് കേന്ദ്രം സംസ്ഥാനത്തോട് നിർദേശിച്ചത്.

ENGLISH SUMMARY: Coro­na virus not decid­ed to close down the sev­en districts

YOU MAY ALSO LIKE THIS VIDEO