Web Desk

ന്യൂയോർക്ക്

April 02, 2020, 8:52 am

കോവിഡ്: ആറ് ആഴ്ച പ്രായമുള്ള കുഞ്ഞ് മരിച്ചു

Janayugom Online

കോവിഡ് 19 വൈറസ് ബാധയെത്തുടർന്ന് അമേരിക്കയിൽ ആറ് ആഴ്ച പ്രായമുള്ള കുഞ്ഞ് മരിച്ചു. അസ്വസ്ഥതകളോടെ ആശുപത്രിയിൽ പ്രവേശിപ്പിച്ചിരുന്ന കുട്ടിക്ക് കഴിഞ്ഞ ദിവസം രാത്രിയാണ് കോവിഡ് പോസിറ്റീവ് സ്ഥിരീകരിച്ചത്.

കുട്ടിയുടെ മരണം ഹൃദയഭേദകമാണ്. കൊറോണ വൈറസ്ബാധയെത്തുടർന്ന് ഇത്രയും പ്രായം കുറഞ്ഞ കുട്ടി മരിക്കുന്ന ലോകത്തിലെ ആദ്യത്തെ സംഭവമാണിതെന്നാണ് ഞങ്ങൾ കരുതുന്നത്- ഗവർണർ നെഡ് ലാമോണ്ട് ട്വീറ്റ് ചെയ്തു.

കഴിഞ്ഞയാഴ്ച ഒന്‍പത് മാസം മാത്രം പ്രായമുള്ള കുട്ടിയും അമേരിക്കയില്‍ കൊറോണ ബാധിച്ച്‌ മരണപ്പെട്ടിരുന്നു. ഇന്തോനേഷ്യയിലും ബ്രിട്ടനിലും വൈറസ് ബാധിച്ച് കുട്ടികൾ മരിച്ചിരുന്നു. ഇന്തോനേഷ്യയിൽ 11 വയസുള്ള പെൺകുട്ടിയും ബ്രിട്ടനിൽ 13 വയസുള്ള ആൺകുട്ടിയുമാണ് മരിച്ചത്. ഇസ്മയിൽ മുഹമ്മദ് അബ്ദുൾവഹബ് എന്നാണ് ബ്രിട്ടനിൽ മരിച്ച ആൺകുട്ടിയുടെ പേര്. ജക്കാർത്തയിലാണ് പെൺകുട്ടി മരിച്ചത്.

Eng­lish Sum­ma­ry; coro­na virus; Six-week-old baby died

YOU MAY ALSO LIKE THIS VIDEO