Web Desk

കൊല്ലം

March 16, 2020, 6:14 pm

കൊറോണ; വാഹനാപകടത്തിൽ പരിക്കേറ്റയാളുടെ പരിശോധനാ ഫലം നെഗറ്റീവ്

Janayugom Online

കൊല്ലം ജില്ലയിലെ പുനലൂരിൽ വാഹനാപകടത്തിൽ പരിക്കേറ്റയാളുടെ കൊറോണ വൈറസ് പരിശോധനാ ഫലം നെഗറ്റീവ്. ഇന്നലെ പുനലൂരിൽ വാഹനാപകടത്തിൽ പരിക്കേറ്റ ഇയാളെ തിരുവനന്തപുരം മെഡിക്കൽ കോളജിലെ നിരീക്ഷണ വാർഡിലേക്ക് മാറ്റിയിരുന്നു. വിദേശത്ത് നിന്നും എത്തിയ ആളാണ് ഇയാൾ. വാഹനാപകടത്തിൽ ഇയാളുടെ ഭാര്യക്കും കുട്ടിക്കും പരിക്കേറ്റിരുന്നു.

അടുത്തിടെ വിദേശത്ത് നിന്നും എത്തിയ ഇദ്ദേഹം നിരീക്ഷണത്തിലായിരുന്നു. അതിനിടയിലാണ് വാഹനാപകടം ഉണ്ടാകുന്നതും ചികിത്സ തേടുന്നതും. രോഗലക്ഷണങ്ങൾ പ്രകടിപ്പിച്ചതോടെയാണ് നിരീക്ഷണ വാർഡിലേക്ക് മാറ്റിയത്.

പത്ത് ദിവസം മുമ്പ് സൗദിയില്‍ നിന്നെത്തിയ ആൾ ഭാര്യക്കും കുട്ടിക്കുമൊപ്പം സഞ്ചരിക്കവെ കൊല്ലം പള്ളിമുക്കില്‍ വച്ചാണ് വാഹനാപകടത്തില്‍ പെട്ടത്. ഗുരുതരമായി പരിക്കേറ്റ ഇയാളെ ആംബുലൻസിൽ ആദ്യം കൊല്ലം ജില്ലാ ആശുപത്രിയിലെത്തിച്ചു. ഇവിടെ പരിശോധന നടത്തിയശേഷം തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് അയക്കുകയായിരുന്നു.

ഗുരുതരമായി അപകടത്തിൽപ്പെട്ട് ആശുപത്രിയിലുമെത്തിച്ചെങ്കിലും കൊറോണ വൈറസ് നിരീക്ഷണത്തിലാണ് ഇദ്ദേഹമെന്ന് ഡോക്ടർമാരെ അറിയിച്ചില്ല. പിന്നീട് ഈ വിവരമറിഞ്ഞപ്പോൾ കൊവിഡ് 19‑ന്‍റെ ഭാഗമായി തയാറാക്കിയ ഐസിയുവിലേക്ക് മാറ്റി. തുടര്‍ന്ന് ഡോക്ടർമാരും ജീവനക്കാരുമുൾപ്പടെ 50 പേരെ നിരീക്ഷണത്തിലാക്കേണ്ടി വന്നിരുന്നു.

Eng­lish Sum­ma­ry; coro­na virus test result negative

YOU MAY ALSO LIKE THIS VIDEO