ഇടുക്കിയില്‍ ഇന്ന് രണ്ട് പേര്‍ക്ക് കൂടി കോവിഡ് വൈറസ് സ്ഥിരീകരിച്ചു. കോവിഡ് സ്ഥിരീകരിച്ച രണ്ട് പേരും കോൺഗ്രസ് നേതാവുമായി ബന്ധം പുലർത്തിയിരുന്നവരാണ്. ഒരാൾ ചുരുളി സ്വദേശിയും രണ്ടാമത്തെയാൾ ബൈസൺവാലിയിലെ ഏകാധ്യാപകിയുമാണ്. ചുരുളി സ്വദേശിയെ ഇടുക്കി മെഡിക്കൽ കോളേജ് ഐസോലേഷൻ വാർഡിലേക്ക് മാറ്റിയതായി ജില്ലാ കളക്ടർ അറിയിച്ചു. ഇതോടെ ജില്ലയിൽ കോവിഡ് ബാധിച്ചവരുടെ എണ്ണം അഞ്ചായി. ഇതിൽ മൂന്നാറിലെത്തിയ ബ്രിട്ടീഷ് പൗരന് രോഗം ഭേദമായി.
ജില്ലയിൽ നിരീക്ഷണത്തിൽ കഴിയുന്നവരുടെ എണ്ണത്തിലും വർധനവുണ്ടായിട്ടുണ്ട്. ഇന്ന് 508 പേരെ വീടുകളിൽ നിരീക്ഷണത്തിലാക്കി. ഇതോടെ ജില്ലയിൽ നിരീക്ഷണത്തിൽ കഴിയുന്നവരുടെ എണ്ണം 2653 ആയി ഉയർന്നു.
ആശുപത്രികളിൽ നിലവിൽ ആറ് പേരാണ് നിരീക്ഷണത്തിലുള്ളത്. നാല് പേർ ഇടുക്കിയിലും രണ്ട് പേർ തൊടുപുഴ ജില്ലാ ആശുപത്രിയിലുമാണ് ചികത്സയിലുള്ളത്. പരിശോധനയ്ക്ക് അയച്ചിരുന്ന 134 സാമ്പിളുകളിൽ 118 കേസുകളും നെഗറ്റീവാണ്. 12 സാമ്പിളുകളുടെ ഫലം ഇനി വരാന്നുണ്ട്. പോസിറ്റീവ് കേസുകളുടെ എണ്ണം കൂടാനുള്ള സാഹചര്യവും നിലനിൽക്കുന്നുണ്ട്.
English Summary; corona virus two positive cases in idukki
YOU MAY ALSO LIKE THIS VIDEO
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.