Web Desk

ന്യൂഡൽഹി

April 04, 2020, 11:29 am

കോവിഡ് ഭീഷണി: ഇന്ത്യയില്‍ നടക്കാനിരുന്ന അണ്ടർ 17 വനിതാ ലോകകപ്പ് മാറ്റിവെച്ചു

Janayugom Online

കോവിഡ് 19 വൈറസ് കാരണം ഇന്ത്യയില്‍ നടക്കാനിരുന്ന അണ്ടർ 17 വനിത ഫുട്ബോള്‍ ലോകകപ്പ് മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് ഫിഫ വ്യക്തമാക്കി. കൊൽക്കത്ത, ഗുവാഹട്ടി, ഭുവനേശ്വർ, അഹമ്മദാബാദ്, നവി മുംബൈ എന്നീ വേദികളിലായി നവംബർ 2 മുതൽ 21 വരെയാണ് ടൂർണമെന്റ് നടക്കേണ്ടിയിരുന്നത്.

16 ടീമുകള്‍ പങ്കെടുക്കുന്ന ടൂർണമെന്‍റില്‍ ഇതുവരെ മൂന്ന് ടീമുകള്‍ മാത്രമാണ് യോഗ്യത ഉറപ്പിച്ചിട്ടുള്ളത്. ഇന്ത്യ ഇതാദ്യമായാണ് അണ്ടര്‍ 17 ലോകകപ്പിന് യോഗ്യത നേടുന്നത്. ഇന്ത്യയെ കൂടാതെ ജപ്പാനും ഉത്തര കൊറിയയുമാണ് ടൂര്‍ണമെന്റില്‍ യോഗ്യത നേടിയത്.

അതേസമയം കോവിഡ് 19 ഭീഷണിയെ തുടര്‍ന്ന് പാനമയിലും കോസ്റ്റാറിക്കയിലുമായി ഓഗസ്റ്റ്-സെപ്റ്റംബർ മാസങ്ങളില്‍ നടക്കേണ്ടിയിരുന്ന ഫിഫ അണ്ടർ 20 വനിതാ ലോകകപ്പും മാറ്റിയിട്ടുണ്ട്.

Eng­lish Sum­ma­ry; Coro­na virus: U‑17 Wom­en’s World Cup In India Postponed

YOU MAY ALSO LIKE THIS VIDEO