Web Desk

വാഷിങ്ടൺ

March 31, 2020, 9:09 am

ശമനമില്ലാതെ കോവിഡ്; മരണം 37,000 കടന്നു

Janayugom Online

ലോകത്ത് കോവിഡ് മരണം 37000 കടന്നു. ഏഴു ലക്ഷത്തി എൺപത്തിമൂവായിരത്തിലേറെ പേർക്കാണ് രോഗബാധയുണ്ടായത്. അമേരിക്കയിൽ അതിവേഗം രോഗം വ്യാപിക്കുകയാണ്. ഇറ്റലിയിൽ നിയത്രണങ്ങൾ ഏപ്രിൽ 12 വരെ നീട്ടി. ഇറ്റലിയിൽ രോഗ ബാധിതര്‍ ഒരു ലക്ഷം കടന്നു.സ്‌പെയിനില്‍ 7716 പേരും അമേരിക്കയില്‍ 3008 പേരും മരണപ്പെട്ടു. ഇറ്റലിയില്‍ ഇന്നലെ മാത്രം 812 പേര്‍ മരിച്ചു. സ്‌പെയിനില്‍ ഇന്നലെ മാത്രം മരിച്ചത് 913 പേരാണ്.നിലവിൽ 178 രാജ്യങ്ങളിലേക്കാണ് രോഗം പടർന്നിട്ടുള്ളത്.

രോഗവ്യാപനം വൈകാതെ ഉയര്‍ന്ന നിലയില്‍ എത്തുമെന്നും പിന്നീട് കേസുകള്‍ കുറയുമെന്നുമാണ് സ്‌പെയിനിലെ ആരോഗ്യ വിദഗ്ധരുടെ നിഗമനം. 812 പേര്‍ കൂടി മരിച്ചതോടെ ഇറ്റലിയില്‍ ഇതുവരെ മരിച്ചത് 11,591 പേര്‍. ഫ്രാന്‍സില്‍ ഒറ്റ ദിവസത്തിനിടെ 418 പേര്‍ മരിച്ചു. ജര്‍മ്മനിയില്‍ അറുപത്തിയാറായിരത്തിലേറെ രോഗികളുണ്ടെങ്കിലും മരണം 700ല്‍ താഴെ നിലനിര്‍ത്താനായത് നേട്ടമാണ്. ബ്രിട്ടനില്‍ മരണം 1400 കടന്നു. കൊവിഡ് രോഗവ്യാപനത്തെ കുറിച്ച് ലോകാരോഗ്യ സംഘടന അന്വേഷണം നടത്തണമെന്ന് ബ്രിട്ടന്‍ ആവശ്യപ്പെട്ടു.

ENGLISH SUMMARY: coro­na world­wide updates

YOU MAY ALSO LIKE THIS VIDEO